Duke filluar nga muaji tjetër, Radioja Kombëtare Bullgare (BNR) planifikon të zhvillojë dy seri të reja audio-vizuale që synojnë audiencën e shkollës, njoftoi Ivo Todorov, Drejtor i Drejtorisë së Programeve Digjitale të Radios Kombëtare Bullgare gjatë një diskutimi në Këshillit të Mediave Elektronike, cituar nga BTA.

“BNR ka burimin e Fondit të Artë me zërat e njerëzve të njohur, të cilin ne duam ta veshim me video përmbajtje që të jetë më e aksesueshme”, theksoi Ivo Todorov. - Shpresojmë që të hyjë në programet arsimore, në klasa, kur fëmijët studiojnë Elin Pelin apo një personazh tjetër të rëndësishëm publik, të dëgjojnë zërin e këtij personi dhe të mësojnë më shumë për të. Parashikohet edhe krijimi i një rubrike për adoleshentët, e cila do të transmetohet të dielave në programin “Hristo Botev”, tha Kin Stojanov, drejtor i programit. Mund të transferohet edhe në kanalin YouTube me ndihmën e drejtorisë digjitale.