Bullgaria mbështet kategorikisht anëtarësimin e Shqipërisë në BE dhe mban një pozicion aktiv në favor të vendimeve kyçe për rrugën evropiane të vendit. Kështu deklaroi kryetari i Kuvendit Popullor të Bullgarisë, Rosen Zheljazkov, në takimin e tij me presidentin e Shqipërisë, Bajram Begaj. Një delegacion parlamentar bullgar i kryesuar nga kryetari i Kuvendit Rosen Zheljazkov ndodhet për një vizitë zyrtare në Tiranë me ftesë të kryetares së Kuvendit të Shqipërisë Lindita Nikolla.

Angazhimi i shtuar ndaj Ballkanit Perëndimor dhe partnerëve lindorë është bërë një pjesë integrale e përgjigjes së BE-së ndaj realitetit të ri gjeopolitik pas luftës agresive të Rusisë kundër Ukrainës, vuri në dukje Zheljazkov. Ai theksoi se Bullgaria nuk e ka mbështetur asnjëherë lidhjen artificiale të rrugëve evropiane të Shqipërisë dhe të Maqedonisë së Veriut. Përshpejtimi i proceseve integruese nuk mund dhe nuk duhet të jetë në kurriz të parimit të meritave të çdo një shteti, shtoi Zheljazkov, cituar nga Televizioni Kombëtar Bullgar /BNT/.

Përfaqësuesit e pakicës kombëtare bullgare në Shqipëri janë disa nga qytetarët më punëtorë për prosperitetin e vendlindjes së tyre dhe mbështetës të fortë për të ardhmen evropiane të Shqipërisë, theksoi gjithashtu Rosen Jeljazkov. Presim me padurim publikimin e rezultateve të regjistrimit të popullsisë së fundit në Shqipëri, i pari që nga njohja e pakicës kombëtare bullgare, shtoi ai.

Ne i vlerësojmë marrëdhëniet tona si të shkëlqyera dhe të qëndrueshme, të ndërtuara mbi një themel të fortë historik, miqësi tradicionale, bashkëpunim dhe partneritet, theksoi nga ana e vet Lindita Nikolla.

Ju kujtojmë se në fund të vitit të kaluar 2023 një ekip i Radio Bullgarisë vizitoi Shqipërinë për t’u takuar me komunitetin bullgar atje. Më poshtë mund të lexoni më shumë hollësi për takimet tona me përfaqësuesit e pakicës bullgare:

• Bullgarët në Gorë ruajnë gjuhën dhe kulturën e tyre, por kanë nevojë për mbështetje - Pjesa II

• Bullgarët në Gorë ruajnë gjuhën dhe kulturën e tyre, por kanë nevojë për mbështetje - Pjesa I

• Nënkryetari i një bashkie shqiptare kërkon një jetë më të mirë për bullgarët në Shqipëri

• Që paqja dhe mirëkuptimi të lulëzojë në Ballkan, farat duhet të mbillen së pari mes fëmijëve

• Për Gollobordën dhe njerëzit e saj

• Ramona Tullumani: Në operën e Sofjes ndihem si Maria Callas

• Milena Selimi e do Bullgarinë dhe përkthen shkrimtarin Georgi Gospodinov

• Milena Selimi: Bullgarët në Shqipëri kanë nevojë për mësues dhe për vëmendje

• Ambasadori i Bullgarisë në Shqipëri zhvilloi një vizitë zyrtare në Kukës

• Një ekip i “Radio Bullgarisë” për vizitë te bullgarët në Shqipëri