Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në Plovdiv mbahet një konferencë ndërkombëtare për gajde

Foto: internationalbagpipeorganisation.com

Interpretuesit bullgarë dhe të huaj të gajdes, si dhe mësuesit e këtij instrumenti tradicional, takohen në Plovdiv nga 8 deri më 10 mars. Kjo është një nga nismat në vendin tonë kushtuar Ditës Ndërkombëtare të Gajdes - 10 Marsit. Fillimi i festës së instrumentit popullor u caktua 12 vjet më parë nga Organizata Ndërkombëtare e Gajdeve e themeluar në vitin 1986. Ajo synon të ruajë dhe promovojë historinë dhe aftësinë e të luajturit në instrumentin e gajdës, për të cilën kontribuon edhe Dita Ndërkombëtare e Gajdes.

Konferenca tre ditore e gajdeve në Plovdiv organizohet për herë të parë në Evropën Lindore nga Shoqata Kombëtare Bullgare e Gajdeve, me mbështetjen e Akademisë së Artit Muzikor dhe Valleve "Prof. Asen Diamandiev" - Plovdiv dhe nën patronazhin e Ministrisë së Kulturës.

Konferenca është ndërkombëtare dhe përfshin 50 pjesëmarrës nga 18 vende - Austria, Belgjika, Greqia, Spanja, Gjermania, Finlanda dhe të tjera, deklaroi në një intervistë për Radio Bullgarinë kryetari i Shoqatës Kombëtare Bullgare të Gajdeve Petër Janev.
Petër Janev
Ditën e djeshme në orën 19:00, me rastin e festës së gruas, në Bee Bop Café u mbajt një koncert vetëm nga femra që luajnë në këtë instrument. Në mesin e interpretuesve ishte edhe Filiz Illkaj nga Turqia dhe Nadja Vaskes nga Spanja.

Adelina Çollakocva, Nadja Vaskes-Martines, Filik Illaj, Daniella Gajdarova
E shtuna është e rezervuar për ligjëratat e konferencës, nga të cilat do të mësojmë më shumë për rolin e gajdes në jetën tonë nga kohërat e lashta e deri më sot.

"Ky është një instrument që ishte përpara kohës së tij," shton Janev. - Ka raportime se edhe perandori Neron ka luajtur gajde, që në mijëvjeçarin e parë para Krishtit. Ishte një instrument i shenjtë dhe jo të gjithë kishin akses. Përdorej disa herë në vit në varësi të kryerjes së ritualeve të ndryshme shpirtërore dhe ekonomike. Muzika është “një ngjitës”, pa të asgjë nuk ndodh”.

Të dielën, shkencëtarët nga Belgjika do të prezantojnë raportet e tyre, si dhe vetë Petër Janev, i cili do t'i tregojë audiencës për veçoritë e stilit të tingullit të Rodopeve.

Foto: internationalbagpipeorganisation.com, Facebook /Petër Janev

Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Foto: Facebook / Muzeu

Muzeu “Veliki Presllav” prezanton Rrugën e Kirilit dhe Metodit në Bullgari

Me rastin e festës së Shën Kirilit, Muzeu Arkeologjik "Veliki Presllav" prezanton ekspozitën "Në rrugën e nxënësve".  Ekspozita kushtuar krijuesve të alfabetit sllavo-bullgar tregon rrugën e Kirilit dhe Metodit në Bullgari, si pjesë e Rrugës Kulturore..

botuar më 25-02-14 10.41.PD
Shkolla bullgare

Shkolla "Ivan Vazov" në Paris me një sfidë magjike për fëmijët që shkruajnë bullgarisht

Ekipi i shkollës bullgare të së dielës "Ivan Vazov" në Paris po përgatit edicionin e dytë të konkursit letrar ndërkombëtar "Penda magjike". Sfida është për të gjithë fëmijët dhe të rinjtë në mbarë botën që shkruajnë në bullgarisht, pavarësisht nga shkolla..

botuar më 25-02-12 6.10.PD
Maria Bakallova

Maria Bakallova do të jetë partnere me Sylvester Stallone

Maria Bakallova do të luajë një rol kryesor në filmin e ri të Sylvester Stallone "My Masterpiece" (“Kryevepra ime”), njofton faqja e kinemasë profesionale IMDB. Aktorja do të marrë pjesë së bashku me yllin amerikan dhe do të luajë rolin e një vrasëseje me..

botuar më 25-02-11 11.21.PD