Nuk ka rritje të presionit të migrantëve. Përkundrazi, ka një tendencë të përhershme të reduktimit të tij, tha ministri i brendshëm, Kalin Stojanov, gjatë një seance parlamentare për incidentet që kanë të bëjnë me emigrantët në kryeqytet. Nga fillimi i këtij viti janë parandaluar 5200 tentime për të kaluar ilegalisht kufirin bullgaro-turk. Për të njëjtën periudhë në vitin 2023 ato ishin 15 600. Dallimi është trefish, theksoi Stojanov.

Kryetarja e Partisë Socialiste Bullgare (BSP), Kornelija Ninova, iu kundërshtua këtij pohimi: “Kam në dorë një raport zyrtar të MPB-së, ku thuhet se vetëm në janar janë ndaluar 396 shtetas të vendeve të treta, nga të cilët 76 në hyrje, 109 në dalje dhe 211 kanë qëndruar në mënyrë të paligjshme”.