Kuvendi Popullor ngarkoi ministrin e dorëhequr të financave Asen Vasilev deri më 31 mars të këtij viti të ndërmarrë veprimet e nevojshme për mbulimin e deficitit operacional në Fondin e Sigurimit të Sistemit Elektrik në vlerën 500 milionë euro. Ky fond përfshin 5% të të ardhurave mujore të prodhuesve të energjisë elektrike dhe të tarifave të transmisionit dhe deficiti aktualisht është 500 milionë euro. “Në këtë mënyrë garantojmë se konsumatori bullgar nuk do ta ndiejë në xhepin e tij atë që është bërë në Fondin e Sigurimit të Sistemit Elektrik”, tha Zheço Stankov nga GERB. Kundër vendimit votuan vetëm deputetët e PP-DB-së, ndërsa tre nga grupi i tyre votuan "abstenim". Nastimir Ananiev nga PP-DB theksoi se vendimi nuk është "diçka që është e rëndësishme për qytetarët bullgarë, por një dokument politik që shfrytëzohet tërësisht kundër ministrit të financave Asen Vasilev".