Për të tretën ditë radhazi, Sofja do të jetë pa transport tokësor, njoftoi Qendra e Lëvizshmërisë Urbane në faqen e saj në Facebook. Pas një takimi disaorësh me kryetarin e bashkisë së Sofjes, Vasill Terziev, përfaqësuesit e Konfederatës së Sindikatave të Pavarura në Bullgari (KNSB) dhe Konfederatës së Punës “Pokrepa” nuk arritën një marrëveshje për rritjen e pagave të të punësuarve në transportin publik.

Në të njëjtën kohë, Agjencia Telegrafike Bullgare (BTA) citon kryetarin e Federatës së Punëtorëve të Transportit pranë Konfederatës së Punës “Podkrepa”, Ivan Kirillov, i cili u tha gazetarëve se vendimi nëse greva efektive duhet të vazhdojë nesër do të merret sonte në një takim "me të gjithë punëtorët dhe punonjësit që janë aktualisht në depo". Sipas fjalëve të tij, janë grevistët ata që do të vendosin nëse transporti publik do të pezullohet edhe të premten.

Metroja me siguri do të funksionojë nesër, u bë e qartë nga një deklaratë për mediat e "Metropolitan" EAD.

Lexoni më tepër nga arkivi ynë:

• Ditën e dytë, kryeqyteti u gdhi pa tramvaje, trolejbusë dhe autobusë

Redaktoi: Diana Cankova

Përgatiti në shqip dhe publikoi: Vesella Mançeva

Foto: BNT