"Po e vazhdojmë ndryshimin - Bullgaria Demokratike" (PP-DB) sugjeroi që dokumentacioni për kontratën e transporttimit të gazit me kompaninë energjetike shtetërore turke "Botash" t'i dorëzohet Agjencisë Shtetërore të Sigurisë Kombëtare(DANS)dhe Prokurorisë. “Kjo kontratë është e pafavorshme për Bullgarinë dhe shteti humb çdo ditë prej saj”, komentoi deputeti Radosllav Ribarski.

Sipas kontratës së lidhur nga qeveria teknike e Gëllëb Donev, kompania shtetërore “Bulgargaz” pranon t'i japë “Botash” akses në tubacionet tona. Megjithatë, marrëveshja ngriti dyshime për shkelje të rregullave të konkurrencës së BE-së dhe “Politico” shkroi se gazi pothuajse me siguri vjen nga Rusia, e cila furnizon Turqinë përmes tubacioneve nënujore të “Rrjedhës Turke”.

“Çdo ditë industria energjetike bullgare dhe në veçanti “Bulgargaz” duhet të paguajë për një kapacitet prej 500 mijë dollarësh, i cili nuk shfrytëzohet. Në vitin 2023, nga 14 anije të mundshme që do të dorëzoheshin, u përdorën një e gjysmë. “Për këtë kapacitet, edhe pse nuk e përdorim, paguajmë tarifa të plota”, tha deputeti. Ai shtoi se PP-DB po bën thirrje për rinegocim të kontratës.