Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kuzhina etnike, kostume të lashta dhe orkide në "Natën Evropiane të Muzeve" në Burgas dhe Nesebër

Foto: BTA

Muzeu etnografik në Burgas do të mbajë erë ushqimi. Aty, drejtori i muzeut, dr. Milen Nikollov, do të demonstrojë personalisht kuzhinën etnike dhe aftësitë e tij në kuzhinë. Ai do të gatuajë mish derri me lëpjetë, qepë të njoma dhe mente sipas një recete të vjetër. Në Muzeun Etnografik vëmendja e publikut drejtohet drejt “Burgasit të Vjetër të parë nga sytë e Dr. Magërdiç Mellkonjan". Historia e qytetit në periudhën 1930-1945 tregohet përmes fotografive, dokumenteve dhe objekteve nga koleksioni i muzeut dhe personalisht nga Dr. Mellkonjan, një banor i shquar i Burgasit.


Të ftuar të shumtë presin edhe kuratoret nga muzeu "Nesebër i vjetër", ku janë renditur 21 kostume tradicionale nga Stara Pllanina Lindore, Stranxha dhe Burgasko Pole. Këto janë kostume të viteve XIX dhe fillimit të shekullit të ХХ-të dhe janë pjesë e fondit të Muzeut Historik Rajonal. Ekspozita u hap më 15 maj dhe do të qëndrojë gjatë sezonit veror në Muzeun e ri Etnografik të Nesebër.

Vendi për adhuruesit e orkideve është në Muzeun e Shkencave Natyrore (rruga "Konstantin Fotinov" 30) në Burgas. Veçanërisht për "Natën Evropiane të Muzeve" do të jetë e pranishme edhe ekspozita "Shënime për orkidetë bullgare". Ajo përmban shënime dhe vizatime të Ljuben Domozetskit nga udhëtimet e tij nëpër rajone të ndryshme të Bullgarisë, të realizuara për qëllime shkencore. Me laps dhe bojë në dorë, autori ka sistemuar vëzhgimet e tij në një dorëshkrim, i cili paraqet me anë të një përshkrimi të shkurtër dhe vizatime të gjitha llojet e orkideve të egra në Bullgari. Përveç specieve të publikuara dhe të njohura për vendin, Domozetski ka përfshirë edhe disa orkide të tjera të zbuluara për herë të parë në vend.

Përpiloi: Gergana Mançeva

Foto: BTA, burgasmuseums.bg, Facebook /museumnessebar
Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Nxënësit do të jenë në gjendje të testojnë aftësitë e tyre PISA në një platformë online

Nxënësit tani mund të testojnë në internet aftësitë e tyre për zgjidhjen e problemeve nga studimi ndërkombëtar PISA. Ministria e Arsimit dhe Shkencës krijoi një modul në faqen e saj të internetit me një lidhje me platformën speciale . Ajo përmban..

botuar më 25-03-14 2.58.MD

Kryedhjaku Ljubomir Bratoev: Shërbimet e para në bullgarisht në Berlin janë mbajtur në sallën e ambasadës sonë

At Ljubomir Bratoev ishte pjesëmarrës i drejtpërdrejtë në ngjarjet e themelimit të bashkësisë së kishës ortodokse bullgare në Berlin. Ai mbërriti në kryeqytetin e Gjermanisë Lindore në fund të viteve 1980 të shekullit të ХХ-të për të bërë doktoraturën...

botuar më 25-03-12 7.30.PD
Monumenti i Ekzarkut Stefan I në Shiroka Llëka

Ekspozita foto-dokumentare kujton personalitetin dhe veprën e Ekzarkut Stefan I Bullgar

Një ekspozitë interesante në Kuvendin Popullor në Sofje prezanton jetën dhe veprën e Ekzarkut Stefan I Bullgar - një figurë kozmopolite që hyri në histori si luftëtar i distancimit të priftërinjve nga jeta politike, dhe si një nga shpëtimtarët e..

botuar më 25-03-11 7.00.PD