Nga mesi i vitit 2025, Bullgaria do të jetë gati për Eurozonën, parashikoi zëvendësministri në detyrë i financave Metodi Metodiev, para forumit financiar në Sofje "Zhurma e parave". Sipas tij, deri në fund të vitit 2024 do të mbulohet i vetmi kriter për inflacionin, të cilin vendi nuk e plotëson aktualisht për vënien e euros në qarkullim, gjë që i jep Bullgarisë mundësinë të kërkojë një raport të jashtëzakonshëm. Qeveria së shpejti do ta votojë edhe Ligjin për Euron, tha edhe Metodiev, sipas të cilit pothuajse të gjitha reformat për anëtarësim në Eurozonë u realizuan.

Pritet që deri në fund të majit 2024, thesari të raportojë një suficit prej 50 milionë eurosh. Në fund të prillit suficiti ishte 250 milionë euro. Diferenca është për shkak të kostove të njëhershme, si dhe përfitimeve retroaktive të punonjësve, njoftoi Ministria e Financave.

Lexoi më shumë:

• Leva do të jetë e këmbyeshme përgjithmonë edhe pas futjes së euros

• Bullgaria në Eurozonë – avantazh apo disavantazh?

• BQE me vlerësim pozitiv për Ligjin për vënien e euros në qarkullim në Bullgari