Nevojitet një debat që të rinjtë në Bullgari të kenë të paktën trajnim bazë ushtarak, i cili do të kontribuojë në tejkalimin e distancës në rritje midis shoqërisë dhe ushtrisë. Këtë thirrje e bëri presidenti dhe komandant suprem Rumen Radev në përshëndetjen e tij drejtuar pjesëmarrësve në Tubimin e Katërt Kombëtar të Ushtrisë Rezervë në Stara Zagora. Sipas tij, në të kaluarën çdo shtëpi kishte disi e lidhur shpirtërisht me ushtrinë, ndërsa sot, afro 20 vjet pas përfundimit të rekrutimit, nuk është kështu. “Së shpejti në Kuvendin Popullor do të numërohen në gishta njerëzit që kishin lidhje me ushtrinë por aty merren vendime të rëndësishme për sigurinë tonë kombëtare”, theksoi kreu i shtetit. Radev tërhoqi vëmendjen mbi sfidat që rrjedhin nga konfliktet ushtarake në rajonet fqinje dhe theksoi se pavarësisht nga zhvillimi i teknologjive në prodhimin e armëve, trajnimi dhe motivimi i personelit kanë rëndësi të madhe.