Në godinën e parlamentit, lideri i GERB-it, Bojko Borisov, deklaroi se partia nuk do të heqë dorë nga nominimi i Raja Nazarjanit për kryetare të Kuvendit Popullor. Sipas Borisovit, nëse nuk zgjidhet kryetar i parlamentit, do të ketë krizë kushtetuese dhe nuk do të mund të shkohet as në zgjedhje. “Çështja është thjesht teknologjike – le të zgjedhim një kryetar parlamenti që do të na dërgojë në zgjedhje! Tani nuk mund ta bëjmë as këtë", theksoi Borisov. 

Nga ana e tij, kreu i DPS-së, Deljan Peevski, bëri thirrje për formimin e një qeverie euroatlantike që do të ruante rrugën e Bullgarisë.

Lideri i “Vëzrazhdane” Kostadin Kostadinov nga ana e tij theksoi se sistemi politik në vend është në agoni. Kostadinov shtoi se qarqet politike në Bullgari po i bëjnë presion edhe kishës dhe e shtyjnë atë drejt një "ndarjeje mbi bazën shpirtërore-ideologjike".

Lexoni më tepër:

• Parlamenti nuk arriti të zgjidhte një kryetar

• 7 parti në parlamentin e ri, 7 pikëpamje për qeverisjen e ardhshme

• Prof. Ognjan Gerxhikov: Ka ardhur koha për një ndryshim në sistemin zgjedhor dhe për shfaqjen e një projekti të ri politik kuptimplotë