2023 është edhe një vit në të cilin korrupsioni në nivelet më të larta të pushtetit mbetet i fshehur, pasi procedimet penale të zhvilluara nuk pasqyrojnë gjendjen e vërtetë të korrupsionit në sektorin publik, thuhet në një nga konkluzionet në Raportin Vjetor të Monitorimit të Fondit Kundër Korrupsionit kushtuar kësaj teme. Nga dokumenti del qartë se në vitin kur Prokurorit të Përgjithshëm Ivan Geshevt iu ndërpre mandati i parakohshëm dhe zëvendësi i tij Borisllav Sarafov zuri vendin e tij, nuk ka pasur asnjë aktgjykim për 57 hetimet kryesore që po ndiqen.

“Veprimtaria e prokurorisë po ngadalësohet gjithnjë e më shumë, jo se ka pasur ndonjë aktivitet të veçantë në vitet e mëparshme. Aty ku kishte, më tepër ishte drejtuar kundër figurave të caktuara politike që u sulmuan me metodat e represionit kriminal”, komentoi për BNR Andrej Jankullov, një nga autorët e raportit.