Pas një aksidenti kur blloku 6 i Centrali Atomik Elektrik “Kozlloduj” u mbyll për riparime, nuk pati rrezatim të personelit, nuk kishte dedhje të ujit radioaktiv në lumin Danub dhe operatorët nga centrali u pezulluan përkohësisht. Këtë e përmblodhi ministri në detyrë i energjetikës, Vlladimir Malinov, në një seancë dëgjimore në Kuvendin Popullor. Disa ditë më parë, fizikani bërthamor Georgi Kasçiev njoftoi në një intervistë se zyrtarët e uzinës i thanë atij për një rrjedhje të mundshme të ujit radioaktiv gjatë riparimit për shkak të një problemi në gjeneratorin e avullit të njësisë 6, por nuk ka një informacion të tillë zyrtar nga Centrali Atomik Elektrik “Kozlloduj”. Më vonë, drejtori i uzinës, Valentin Nikollov, konfirmoi incidentin në një intervistë televizive, duke shpjeguar se rrjedhja e ujit radioaktiv, e cila ishte rezultat i gabimit njerëzor, ishte brenda zonës hermetike dhe nuk kishte asnjë rrezik për punëtorët dhe mjedisin.

Në parlament, Malinov tha se do të kërkonte një analizë të mundësisë që gjeneratorët e avullit për centralin e parealizuar “Belene” të përdoren për termocentralin Kozlloduj dhe më pas ai do të vendosë nëse këta gjeneratorë me avull duhet të përfshihen në listën e pajisjeve që do t’i shiten Ukrainës.