Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Qëndrimi i Bullgarisë për takimin e NATO-s është i sinkronizuar me atë të Aleancës

Zëvendësministri i Mbrojtjes Radostin Iliev
Foto: BTA

Zëvendësministri i Mbrojtjes Radostin Iliev theksoi se në qëndrimin e vendit tonë për samitin e NATO-s në Uashington, të miratuar nga Këshilli i Ministrave, nuk ka asgjë që do të dëmtonte interesin tonë kombëtar ose do të kërcënonte sigurinë kombëtare.

Fjala e tij është me rastin e refuzimit të presidentit Rumen Radev për të udhëhequr delegacionin e vendit tonë në Uashington, me arsyetimin se ai nuk pranon “disa qëndrime kuadër në lidhje me angazhimet që vendi ynë merr për luftën në Ukrainë” të miratuara nga qeveria e përkohshme.

Iliev theksoi se qëndrimi i vendit tonë është i sinkronizuar me atë të Aleancës dhe propozimi për presidentin është bërë në cilësinë e komandantit suprem dhe kreut të shtetit. Në lidhje me qëndrimin e shprehur zyrtar të Presidentit Rumen Radev për pjesëmarrjen në Samit, Ministria e Mbrojtjes deklaron se vendimi i miratuar me qëndrimet për Samitin është një procedurë e rregullt, zyrtare, e vendosur vitet e fundit për miratimin e një mandati në mbrojtje të interesit kombëtar dhe pjesëmarrje në çështjet e rendit të ditës të këtij lloj manifestimi, theksoi Iliev. Në qëndrimin e miratuar, mbështetja për Ukrainën, në përputhje me vendimet e Asamblesë Kombëtare, është e palëkundur dhe do të ofrohet për aq kohë sa të jetë e nevojshme.


Последвайте ни и в Google News Showcase, за да научите най-важното от деня!

Më shumë nga rubrika

Stara Zagora pret Chef's Food Park

Për herë të parë, Chef's Food Park do të mbahet në Stara Zagora si pjesë e edicionit të tretë të Forumit Kombëtar të Kuzhinës " Chef's Secrets - Evolucioni i Shijes" 2025, transmeton BTA. Gjatë fundjavave, 8 dhe 9 shkurt, qyteti nën pemët e blirit, siç..

botuar më 25-02-08 6.30.PD

Festivali " Rrushi i Artë " mbledh edhe njëherë prodhuesit dhe dashamirët e verës së Mellnikut

Për të 13-tin vit radhazi, prodhuesit e verës nga rajoni i Mellnikut do të prezantojnë më të mirën e prodhimit të tyre në Festivalin e Verës së Mellnikut “Rrushi i Artë”, transmeton BTA. Festivali tradicional i verës do të mbahet në Mellnik më 8 dhe 9..

botuar më 25-02-08 5.25.PD

Parashikimi i motit për fundjavën

Të shtunën temperaturat minimale do të jenë nga minus 8 deri në minus 3°, në Sofje – rreth minus 8°. Gjatë ditës në Bullgarinë Perëndimore dhe Qendrore do të mbizotërojë mot me diell me rritje më të theksuar të vranësisë në Rrafshinën e Danubit...

botuar më 25-02-07 7.35.MD