Rikthimi i mandatit të dytë nuk ishte i papritur, komentoi nënkryetari i BSP-së Kristian Vigenin. Sipas tij, formimi i një qeverie në kuadër të Legjislaturës së 50-të të Kuvendit Popullor është gjithnjë e më i vështirë për t'u arritur. Gjithsesi, BSP-ja është e gatshme, nëse do të marrë mandatin e tretë, të përpiqet të formojë një kabinet ekspertësh pa pjesëmarrjen e politikanëve, liderëve politikë, me një program të dakorduar nga të gjitha forcat parlamentare. Për këtë arsye socialistët i propozojnë presidentit Rumen Radev që para dorëzimit të mandatit të tretë dhe të fundit, të bëjë një raund të ri konsultimesh me formacionet e përfaqësuara në parlament, njofton gazetarja e BNR, Maria Fileva.

Më vonë edhe nga “Ka një popull të tillë” (ITN) deklaruan se janë “absolutisht” të gatshëm për të marrë mandatin e tretë, nëse presidenti Rumen Radev merr një vendim të tillë.

Në një deklaratë me shkrim për media, bashkëkryetari i Lëvizjes për të Drejta dhe Liri (DPS), Xhevdet Çakërov deklaroi se deputetët nga rrethi rreth liderit të nderit të DPS-së Ahmed Dogan, të cilët u larguan ose u përjashtuan nga Lëvizja, janë të gatshëm të marrin pjesë në një bisedë për mundësitë e formimit të qeverisë me mandatin e tretë.

• PP-DB e ktheu mandatin e dytë menjëherë pas dorëzimit të tij