Nga 2 deri më 7 gusht në pushimoren malore Borovec do të mbahet edicioni i tretë i Festivalit Ndërkombëtar të Xhazit “Dr. Emill Iliev”. Forumi muzikor është tashmë një traditë në kalendarin kulturor të resortit tonë malor. Sipas drejtoreshës së festivalit, Dr. Tatjana Ilieva, "Energjia e malit madhështor Rilla dhe muzika e interpretuesve të preferuar të xhazit bullgar dhe të huaj ndërthuren në një tërësi dhe krijojnë një ndjenjë lirie dhe fuqie".
Gjashtë ditët e festivalit do të japin një skenë për muzikantë dhe formacione nga mbi dhjetë vende, të prezantuara në tre koncerte çdo natë. Pas tyre, festa do të vijojë me koncerte tradicionale “Jam Sesion”. Ndër veprimtaritë e tjera në kuadër të Xhaz Festivalit në Borovec, ka ekspozita, takime me shkrimtarë, një akademi verore xhaz për fëmijë etj. Radioja Kombëtare Bullgare (BNR) është partnere mediatike e festivalit.
Më 2 gusht, Big Bendi i BNR-së me solistë Vasill Petrov dhe Valeria Stojanova do të hapë edicionin e tretë të Festivalit Ndërkombëtar të Xhazit “Dr. Emill Iliev”. Vasill Petrov është mysafir i shpeshtë i koncerteve të Big Bend-it, regjistrimet e të cilave ruhen në Fonotekën e BNR-së. Prej tyre ju ofrojmë të dëgjoni "Ndoshta". Kënga është me tekst të Arkimandritit Serafim, muzika është nga vetë këngëtari. Aranzhimin e bëri Angell Zaberski - biri, i cili dirigjon orkestrën e BNR-së në këtë këngë.
Lexoni më shumë:
Redaktore: Diljana Traçeva
Përgatiti në shqip dhe publikoi: Svetllana Dimitrova
Foto: BTA - arkiv, doctorjazzfest.com
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy festivaleve - EXIT (Serbi) dhe Breeze (Bullgari), dhe edicioni pilot do të quhet "Varna Breeze by Exit"...
Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave njerëzorë. Ivelina Coneva, Vesella Morova, Konstantin Bejkov, Janko Jankov dhe Daniell Nikollov kanë..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..