Plovdiv Jazz Summer - programi veror i një prej festivaleve më të mëdha të xhazit në vend, Plovdiv Jazz Fest, filloi në mes të korrikut. Festivali vazhdon me tre koncerte në kinemanë verore "Orfeu" në Plovdiv dhe një koncert spektakolar falas në gusht në fshatin Markovo.

Më 8 dhe 9 gusht parashikohen tre koncerte - natën e parë (8 gusht) do të shijojmë muzikën e kontrabasistit, këngëtar dhe kompozitor me famë botërore Avishaj Koen dhe treshes së tij, dhe më pas grupin e saksofonistit katalanas Arnau Garofe me albumin e tij debutues “Frantik Zen”. Mbrëmjen e 9 gushtit adhuruesit e xhazit do të dëgjojnë Bellosllava me JP3 dhe Mladen Dimitrov (Mr. Moon).

Sërish me pjesëmarrjen e JP3, por kësaj radhe me këngëtarin Orlin Pavllov, do të përfundojë edicioni i tretë veror i Plovdiv Jazz Fest. Tradicionalisht, fundi i festivalit veror është një koncert falas që mbledh qindra njerëz në fshatin e afërt Markovo. Më 24 gusht në orën 21:00 në sheshin qendror të fshatit do të mbahet koncerti i këngëtarit Orlin Pavllov, së bashku me JP3 trion në përbërje Zhivko Petrov (piano), Dimitër Karamfillov (kontrabas) dhe Dimitër Semov (bateri).
Në pritje të këtyre koncerteve, ju ofrojmë këngën e Orlin Pavllov "Çdo ditë". Muzikën e kompozuan Jasen Kozev dhe Krum Georgiev, tekstin e krijoi Doni Vasileva, aranzhimin e bëri Borisllav Bojaxhiev.
Lexoni më shumë:
Redaktore: Diljana Traçeva
Përgatiti në shqip dhe publikoi: Svetllana Dimitrova
E vumë re Momçill Kosevin që gjatë njohjes sonë me grupin SoulBmoll, ku ai është kitarist, vokalist dhe autori kryesor i këngëve të tyre. Muzikantët e grupit janë të dashur jo vetëm për publikun, por edhe për një sërë yjesh vendas që bashkëpunojnë me..
Bullgaria do të marrë pjesë në konkursin prestigjioz të këngës “Evrovizion”, i cili në vitin 2026 do të shënojë edicionin e tij të 70-të. Rikthimi i vendit është pjesë e përpjekjeve të Televizionit Kombëtar Bullgar (BNT) për të promovuar kulturën dhe..
Përgatiti në shqip dhe publikoi: Vesella Mançeva Foto: BNT - arkiv, Zdravko Petrov - BNR