Në fillim të konsultimeve politike për emërimin e ushtruesit të detyrës së kryeministrit dhe të qeverisë së re të përkohshme, kreu i shtetit tregoi se praktikisht ka nisur fushata zgjedhore. Sipas Rumen Radevit, Asambleja e 50-të Kombëtare nuk ka qenë në gjendje të krijojë një qeveri dhe ne po shkojmë pashmangshëm drejt zgjedhjeve të radhës të parakohshme parlamentare.

• Bullgaria po shkon drejt zgjedhjeve të radhës parlamentare

Para kësaj duhet të zgjidhet një kandidat për ushtrues detyre të kryeministrit dhe me sugjerimin e tij të emërohet një qeveri në detyrë, qëllimi kryesor i së cilës janë zgjedhjet e ndershme, transparente, të hapura parlamentare, theksoi presidenti.

Ai theksoi gjithashtu se është shumë e rëndësishme garantimi i funksionimit normal të shtetit, por sipas ndryshimeve në Kushtetutë, mundësitë për zgjedhjen e një ushtruesi të detyrës së kryeministrit janë të kufizuara në mënyrë drastike.

Radev shtoi se ka filluar bisedimet me të gjithë kandidatët potencialë për kryeministër, por në të njëjtën kohë duhet të zgjidhen çështje të rëndësishme. Prandaj duhet qartësi në shtet për sa i përket menaxhimit të tij, gjë që është gjithashtu objekt i konsultimeve. Në bisedën me grupet parlamentare, presidenti Radev theksoi se përveç Dimitër Gllavçevit edhe persona të tjerë kanë shprehur gatishmëri të marrin postin e ushtruesit të detyrës së kryeministrit.

• Kryeministri në detyrë bëri një bilanc dhe la të kuptohet se mund të ketë një të ri

• Gllavçev është gati të jetë sërish kryeministër në detyrë, por jo ministër i jashtëm

Në konsultime, Jordan Conev nga Lëvizja për të Drejta dhe Liri (DPS) vuri në dukje se një parlament në të cilin nuk ka një shumicë të caktuar që mban përgjegjësinë për buxhetin dhe aktivitetet në aspektin e legjislacionit dhe pushtetit ekzekutiv është i rrezikshëm sepse krijon një legjislacion jocilësor. Nga ana e tij, kryetari i “Vëzrazhdane” Kostadin Kostadinov komentoi se partia e tij aktualisht nuk ka një figurë të përshtatshme për kryeministër. Me rastin e zgjedhjeve të ardhshme, kryetari i grupit parlamentar të "Po e vazhdojmë ndryshimin - Bullgaria Demokratike" (PP-DB) Nikollaj Denkov i bëri thirrje Presidentit Rumen Radev, kur diskutohet për përbërjen e kabinetit zyrtar me kryeministrin e ardhshëm zyrtar, të shqyrtohet një ekip tjetër udhëheqës të Ministrisë së Punëve të Brendshme dhe theksoi se detyra kryesore e kabinetit zyrtar është sigurimi i zgjedhjeve të ndershme.