Milena Canova është një këngëtare që shmang përcaktimin e preferencave të saj stilistike – kjo sepse zëri i saj është mjaft i larmishëm për të unifikuar gjithçka që bën si art.
Pasi kaloi nëpër formate të ndryshme televizive, ajo vendosi të bënte këngë solo. Në të parën, që mban titullin e jashtëzakonshëm “Kërcas dhëmbët”, ka gjithçka që emocionon një adoleshent. Pasojnë shumë këngë prej autori për të arritur në "Dashuria është si", të cilën Milena e shkroi ndërsa jetonte dhe punonte në Tajlandë. Mirëpo, ajo u kthye në Bullgari, sepse këtu është më e rëndësishmja për të - familja, prejardhja, rrënjët, kultura, folklori, vlerat... Pasi punoi me producentë të ndryshëm, ajo arriti në përfundimin se më së miri është të prodhonte muzikën e saj. Kështu realizoi këngën "Dashuria është si".
Muzikantët e dyshes suedeze të producentëve Doppe & Kokke bëjnë muzikë së bashku që kur ishin fëmijë. Rastësisht në internet e zbuluan këngën "Dashuria është si" dhe e pëlqyen shumë. Ata kontaktuan Milena Canova me një propozim për të bërë një version alternativ i këngës.
Edhe pse në versionin e ri Milena këndon sërish në bullgarisht, ata vendosën ta përkthenin titullin në anglisht - "Love Is Like" për ta dalluar nga origjinali. Kështu ruhet mesazhi, për të cilin Milena thotë:
"Dashuria është si kjo, të bësh gjërat që i do pa penguar të tjerët dhe të ndihmosh të gjithë rreth teje, dhe mbi të gjitha veten. Kjo është dashuria - të kesh mbështetje dhe të mbështetësh. Dhe të duash veten në mënyrë që të duash gjithçka tjetër rreth teje. Përndryshe nuk do të ndodhë, thjesht nuk do të ndodhë!”
Përgatiti në shqip dhe publikoi: Svetllana Dimitrova
Sofia Summer Fest – Edicioni Underground, pjesë e Sofia Summer Fest, hapet sonte. Kjo do të ndodhë me një koncert në të cilin do të dëgjojmë dy këngëtaret që me këngët e tyre shënuan muzikën bullgare në prag të mijëvjeçarit të ri - Irina Fllorin dhe..
Toni Dimitrova – këngëtarja me zë karakteristik, e cila është kthyer në një nga simbolet artistike të qytetit bregdetar Burgas – prezanton koncertin e saj solo “Kohë për dashuri” nën qiellin e hapur. Ai është pjesë e turneut të saj kombëtar, duke..
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik për katër dekada. Në vitin 1994 nisi zyrtarisht performanca e tij e parë profesionale në skenën e..
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e..