Në vitin 2023, 47% e totalit të eksporteve të Bullgarisë drejt Kinës është përbërë nga produkte bujqësore dhe ushqimore. Për sa i përket këtij eksporti në vitet 2022 dhe 2023, Bullgaria zë vendin e parë ndër vendet e Evropës Qendrore dhe Lindore. Kjo u bë e qartë nga takimi i ministrit të bujqësisë, Georgi Tahov, me ambasadoren kineze në vendin tonë, znj. Dai Cinli, këtë javë.

Të dy vendet po punojnë në mënyrë aktive për të përfunduar procedurat për përmbushjen e kërkesave për importimin e një numri produktesh bujqësore dhe ushqimore bullgare në Kinë. Pas përfundimit të tyre, do të mundësohet rritja e vëllimit dhe llojeve të produkteve bujqësore dhe ushqimore bullgare të eksportuara në Kinë, përfshirë frutat e ngrira dhe të freskëta, grurin dhe shafranin. 

"Bullgaria ka produkte bujqësore cilësore", theksoi ambasadorja Dai Cinli dhe dha shembullin e vajit të trëndafilit bullgar dhe produkteve të tij, mjaltin, vajin e lulediellit dhe ujërat minerale.