Deri më 15 shtator, Bulevardi “Vitosha” i kryeqytetit dhe parku përballë Pallatit Kombëtar të Kulturës janë shndërruar në një librari të madhe në ambient të hapur.

Edicioni i radhës i "Rrugicës së Librit", organizuar nga Shoqata "Libri Bullgar", u jep mundësi 138 shtëpive botuese të prezantojnë titujt e tyre më të rinj dhe më të kërkuar. Vizitorët në ekspozitë mund të shikojnë titujt më të rinj të vendosur në 59 tenda.

Çdo ditë në një skenë të ndërtuar posaçërisht do të ketë lexime letrare, premiera librash të rinj, takime me autorë, si dhe lojëra argëtuese për fëmijë.

Për herë të parë në “Rrugicën e Librit” do të zhvillohet Festivali i letërsisë jo artistike “Shkencë, Art dhe Kulturë”. Në vazhdim të dy ditëve do të prezantohen veprat në kategoritë “Histori”, “Studime arti”, “Turizëm kulturor”, “Vetë njohje” dhe “Etnologji”.

Ekspozita letrare është pjesë e Kalendarit Kulturor të Bashkisë Metropolitane.