Ndryshimet në Planin e Rimëkëmbjes dhe Qëndrueshmërisë duhet të dërgohen jo më vonë se 15-20 tetor, në mënyrë që Komisioni Evropian t'i pranojë dhe Bullgaria të mos humbasë fonde. Kështu ka deklaruar në një konferencë ministrja në detyrë e financave, Ljudmilla Petkova. Bullgaria është i vetmi vend i BE-së që mori vetëm pagesën e parë sipas planit. Petkova ka theksuar se pagesa e dytë nuk është paguar, pasi ka të bëjë me reforma të caktuara. Harta Rrugore për Neutralitetin Klimatik është pjesë e tyre. Nëse ajo nuk pranohet, korrigjimi financiar do të jetë 266 milionë euro, që përbën më shumë se 30% prej pagesës së dytë të kërkuar prej 653 milionë eurosh.

Asambleja Kombëtare nuk pranoi dje ndryshimet e planifikuara në Planin e Rimëkëmbjes dhe Qëndrueshmërisë lidhur me rikultivimin e truallit “Mini Marica Iztok”. Seanca e fundit e Kuvendit jubilar të 50-të mbrëmë përfundoi me një skandal pasi disa deputetë kundërshtuan diskutimin e ndryshimeve në plan.