Një pjesë e bullgarëve në Liban u evakuuan me aeroplanin qeveritar Airbus mbrëmjen e së hënës. Në grupin e parë, që numëron 89 persona, janë kryesisht familje, nëna me fëmijë dhe të moshuar. Ata u pritën nga kryeministri në detyrë Dimitër Gllavçev. "Nuk ka asgjë më të mirë se të shohësh të gjithë në aeroplan duke buzëqeshur, të gjithë janë gjallë dhe mirë. Ne po diskutojmë të gjitha opsionet për evakuim, nuk përjashtohet një fluturim i dytë. Unë thashë se gjëja më e rëndësishme është mënyra më e sigurt e evakuimit. Në momentin kur gjithçka është përgatitur do të realizohet edhe fluturimi dytë”, tha Glavçev.

Në mesin e bullgarëve që janë kthyer me fluturimin e organizuar, nuk ka asnjë që ka deklaruar nevojë për akomodim. Ministria e Brendshme është e gatshme të ndihmojë me bazat e saj për ata që kërkojnë strehim të përkohshëm.

Evakuimi vjen në mes të një operacioni të kufizuar lokal tokësor të shpallur nga Izraeli përgjatë kufirit me Libanin.