Si dukej bota e kafshëve në zonën e qytetit të sotëm të Trënit (Bullgaria Perëndimore) më shumë se 80 milionë vjet më parë - kësaj pyetjeje po përpiqen t'i përgjigjen paleontologët nga Muzeu Kombëtar i Shkencave Natyrore në Akademinë Bullgare të Shkencave. Si rezultat i ekspeditës së tyre verore, të cilën ata po zhvillojnë për të shtatën vit pranë Trënit, janë mbledhur më shumë se 30 fosile të reja vertebrore. Ato datohen në Kretakun e Vonë.

Eshtra zvarranikësh të mëdhenj, dhëmbë krokodilësh, shumë fragmente, duke përfshirë guaska të ruajtura breshkash, dhëmbë peshqish, të cilët sot nuk gjenden në Evropë, u gjetën në këtë vend.

U mblodhën kocka bretkosash dhe fosile të panjohura më parë, për të cilat shkencëtarët besojnë se ka shumë të ngjarë të jenë fosile insektesh nga epoka e dinozaurëve. E gjithë kjo sugjeron për paleontologët se në zonën pranë Trënit ka ekzistuar një ekosistem jashtëzakonisht i pasur dhe kjo, nga pikëpamja shkencore, do të ndihmojë në plotësimin e informacionit për jetën 80 milionë vjet më parë në tokat tona.

Lexoni më tepër nga koleksioni i Radio Bullgarisë:

• Zvarranikët gjigantë kanë populluar edhe trojet tona

• Një gjitar gjigant nga parahistoria – nën kupolën e Universitetit të Sofjes

• Një park paleontologjik krejt i ri kënaq të rinjtë dhe të moshuarit në qytetin turistik Vërshec

• Bliri i egër është duke u zhdukur, rroftë ai i kultivuar!

Përpiloi: Gergana Mançeva

Përgatiti në shqip dhe publikoi: Vesella Mançeva