Qindra qytetarë protestuan në të ashtuquajturën trekëndësh të pushtetit, ku ndodhen godinat e Kuvendit Popullor, Këshillit të Ministrave dhe Presidencës, me kërkesën për ndërprerjen e procedurës për zgjedhjen e prokurorit të përgjithshëm.

“Ka traditë që për postin e kryeprokurorit për të dytën herë radhazi ka vetëm një kandidat dhe për të dytën herë laureat i Institutit të Lartë të Ministrisë së Punëve të Brendshme. Nuk kemi asgjë kundër këtij instituti, por le të përgatisë personel për Ministrinë e Brendshme, policinë apo luftën kundër krimeve, por jo për Prokurorinë”, tha Emill Georgiev nga Iniciativa “Drejtësia për të gjithë” – organizator i protestë me moton “#Kush po rigrupon kryeprokurorët”. Protestuesit nisën një peticion për të ndaluar procedurën.

Në mbledhjen e fundit, Plenumi i Këshillit të Lartë Gjyqësor emëroi Borisllav Sarafov, i cili pas lirimit të parakohshëm të Ivan Geshev, kryen funksionin e kryeprokurorit. Edhe pse mandati i Këshillit ka skaduar, më 16 janar të vitit të ardhshëm duhet të zgjedhë prokurorin e ri të shtetit.

Lexoni më shumë mbi temën:

• Ka nisur zyrtarisht procedura për zgjedhjen e Prokurorit të ri të Përgjithshëm

• Presidenti është i pakënaqur që Këshilli i Lartë Gjyqësor ka nominuar vetëm një kandidat për Prokuror të Përgjithshëm