Radosllava Nedjallkova nga Milano u zgjodh "Bullgarja e Vitit 2023" në mesin e 24 bashkatdhetarëve të nominuar nga 19 vende. Dallimi me emrin e Shenjtores Zllata Mëglenska u dorëzua sot në një ceremoni solemne në Universitetin e Ekonomisë Kombëtare dhe Botërore në Sofje.
Radosllava Nedjalkova është ndër themeluesit dhe kryetarja e Bordit Drejtues të Shoqatës për Kulturën Bullgare në Milano, si dhe ndër themeluesit në vitin 2013 të grupit të parë folklorik bullgar atje - "Nashenci". Ajo është gjithashtu një nga themelueset e Shoqatës së Ansambleve Folklorike Bullgare jashtë vendit, që e nominuan për çmimin prestigjioz të Agjencisë Ekzekutive për Bullgarët Jashtë Vendit.
Për vitin e parë publiku pati mundësinë të zgjidhte edhe të preferuarën e tyre mes të nominuarve. Çmimi "Bullgarja e preferuar e publikut" iu dha Nevenka Kostadinova, e lindur në fshatin serb Glozije, sepse ajo kontribuoi në ruajtjen e komunitetit bullgar në Bosilegrad duke u ofruar punë 100 grave nga grupet vulnerabël, njoftoi gazetarja e Radio Bullgarisë, Gergana Mançeva. Si anëtare e Këshillit Kombëtar të Minoritetit Bullgar, Nevenka Kostadinova ndihmon në përhapjen e afirmimin e veroreve bullgare në shkollat fillore, si pjesë e identitetit bullgar. Punon në mënyrë aktive me komunitetin bullgar në Bosilegrad të Serbisë, dhe u nominuar për konkursin e Agjencisë Ekzekutive për Bullgarët Jashtë Vendit nga Shoqata Rajonale për Reformë dhe Zhvillim "Roden Kraj", Kjustendill.
Festa e familjes së krishterë çdo vit është arsye për takim të bashkatdhetarëve tanë në Hamburg. Viti 2025 nuk bën përjashtim dhe ftesa prej kohësh qarkullon në rrjetet sociale, sepse bashkatdhetarët tanë do të festojnë solemnisht 20 vjet nga krijimi i..
Kamerat e sigurisë filmuan një ari në një lagje banimi të qytetit Karllovo para disa ditësh. Grabitqari zbriti deri te shtëpitë në pjesën veriore të qytetit dhe u shëtit pa u shqetësuar nëpër rrugë , derisa u tremb nga një makinë që kalonte. Pas..
Më 21 dhe 22 nëntor 2025, në sallën "Xhon Atanasov" të Parkut Teknologjik të Sofjes do të mbahet edicioni i 11-të i "Tregut të Profesioneve". Forumi synon të mbështesë orientimin e hershëm në karrierë të të rinjve në vendin tonë...