Pas shumë vitesh punë, Drejtoria e Përgjithshme “Lufta kundër Krimit të Organizuar” ka zbardhur një grup kriminal në qytetin e Shumenit(Bullgaria Verilindore) që ka prodhuar kartëmonedha false, bëri të ditur në një konferencë komisari Bojan Radev, nëndrejtor i Drejtorisë së Përgjithshme “Lufta kundër Krimit të Organizuar”. Ka tre persona të arrestuar lidhur me rastin. Grupi ka prodhuar me saktësi të madhe kartëmonedha prej 50 levash, 500 eurosh dhe 50 dollarësh. Kartëmonedha prej 500 eurosh është i ashtuquajturi “super falsifikim” - me cilësi jashtëzakonisht të lartë, me elementë sigurie shumë të lartë, gjë që është konfirmuar nga partnerët tanë nga Europol dhe është e zbuluar në vende të ndryshme të BE-së. Kartëmonedhat prej 50 levash janë të një cilësie që lejon pranimin e tyre nga ATM-të, duke kaluar kontrollin e makinës. Letra nga e cila janë bërë kartëmonedhat e falsifikuara, si dhe bojërat, janë porositur kryesisht nga Kina dhe Turqia.