Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shtatë parti ka të ngjarë të hyjnë në parlamentin e ri, dy të tjera janë në pragun e 4%

Foto: Trend

Nuk ka ndryshime të rëndësishme në qëndrimet e njerëzve në fund të fushatës zgjedhore në krahasim me fillimin. Këto janë rezultatet e një sondazhi sociologjik të “Trend”, të porositur nga “24 Çasa”, në periudhën 16-22 tetor 2024 përmes një interviste të drejtpërdrejtë gjysmë të standardizuar “ballë për ballë” me një tabletë mes 1002 të rriturve.

Sipas të dhënave të “Trend”, në Asamblenë e 51-të Kombëtare do të marrin pjesë shtatë formacione me përfaqësim të sigurt parlamentar, dy të tjera kanë mundësi për të kaluar barrierën.

Në renditjen e agjencisë GERB-SDS është sërish në vendin e parë me mbështetjen e 24,9 për qind të votuesve. Në vend të dytë renditen “Vëzrazhdane” - me 15,2 për qind, e ndjekur nga "Po e vazhdojmë ndryshimin-Bullgaria Demokratike" (PP-DB) - me 14,8. Pas tyre janë “Aleanca për të Drejta dhe Liri” me 7,8 për qind, “DPS-Fillimi i Ri” me 7 për qind, “Ka një popull të tillë” (ITN) me 6,6 për qind dhe Partia Socialiste Bullgare (BSP) me 6,5 për qind. Partia MEÇ është në kufi me 4%, “Veliçie” mbetet nën vijën, me 3,6%, si dhe “Bullgaria Blu” me 1,7% të votuesve. Me “Unë nuk mbështes askënd” do të votonin 4.3 për qind prej zgjedhësve .

“Trend” vëren se mund të ketë disa ndryshime në renditje, sepse diferencat mes disa formacioneve janë nën një përqind. Nga studimi i porositur nga “24 Çasa”, del qartë gjithashtu se fushata zgjedhore nuk ka arritur të motivojë më shumë votues për të ushtruar të drejtën e tyre të votës. Pritet që pjesëmarrja të jetë ndërmjet 2 milionë dhe 2 milionë e 200 mijë njerëz.



Последвайте ни и в Google News Showcase, за да научите най-важното от деня!

Më shumë nga rubrika

Foto: Muzeu

Kostumet tradicionale bullgare nga fshati rumun Băleni-Sârbi hynë në një katalog etnografik

Një album që përmbledh kostume tradicionale nga shtatë rajone të Vllahisë në Rumani u prezantua në ambientet e Muzeut të Qarkut Giurgiu.Në katalogun, të quajtur "Koleksioni Etnografik i Muzeut "Teohari Antonescu" në Giurgiu - Kostume Popullore dhe..

botuar më 25-06-29 6.00.PD

Çmimet e banesave në Bullgari u rritën me 15% brenda një viti

Në tremujorin e parë të vitit 2025, çmimet e banesave në Bullgari u rritën me 15.1% krahasuar me tremujorin e parë të vitit 2024, sipas të dhënave të Institutit Kombëtar të Statistikave. Në tremujorin e parë të vitit 2025, krahasuar me tremujorin e..

botuar më 25-06-28 2.10.MD

Festivali rock “Tvërdica dhe kisha” pranë digës Zhrebçevo

Festivali rock “Tvërdica dhe kisha” do të mbahet këtë mbrëmje pranë digës Zhrebçevo. Festivali organizohet për një vit radhazi nga Komuna e qytetit Tvërdica dhe lidhet me pritjen tradicionale të “July Morning”, njofton BTA. Festa është..

botuar më 25-06-28 5.20.PD