Partia MEÇ, sipas rezultateve paraprake të zgjedhjeve parlamentare, do të jetë lojtari i ri në parlament. Shkurtesa MEÇ vjen nga fjalët bullgare moral, edinstvo, çest (morali, uniteti, nderi). Partia u themelua në tetor 2023 nga avokati, ish-deputet i ITN dhe PP-DB dhe ish-ministër i rinisë dhe sportit Radostin Vasilev. Partia MEÇ e reklamon veten në faqen e saj si "Partia e parë e vërtetë pro-bullgare në historinë e re të Bullgarisë". Ne nuk jemi vasalë të asnjë ambasade dhe në radhë të parë do të jenë vetëm interesat e popullit bullgar!”, shkruan MEÇ. Sipas kreut të partisë, prioritetet e saj janë në pesë sektorë kryesorë: energjia, bujqësia, arsimi, shëndetësia dhe rendi dhe siguria e brendshme. Në lidhje me luftën ruso-ukrainase, MEÇ bën thirrje për pezullimin e menjëhershëm të ndihmës ushtarake për Ukrainën dhe miratimin e një politike të neutralitetit të plotë.