Në orën 05:00 me orën bullgare, më 28 tetor, dita e zgjedhjeve jashtë vendit përfundoi në Bregun Perëndimor të SHBA-së dhe Kanada. Në SHBA kishte 53 qendra votimi, kurse në Kanada 15. Sipas informacioneve të përfaqësive tona diplomatike dhe konsullore, të gjitha qendrat e votimit në mbarë botën tashmë përfunduan me sukses punën e tyre dhe dorëzuan rezultatet. Me të përpunuar 97.22% të protokolleve të komisioneve seksionale zgjedhore, të drejtën e votës jashtë vendit e ushtruan 146 952 persona, njofton Ministria e Jashtme.

Shtetasit bullgarë patën mundësinë të votojnë nga Bregu Perëndimor i SHBA-së dhe Kanada deri në Tokio të Japonisë, Singapor dhe Oakland të Zelandës së Re, nga Tromsjo të Norvegjisë Veriore, deri në Republikën e Afrikës së Jugut. Me ndihmën aktive të punonjësve dhe strukturave të Ministrisë së Punëve të Jashtme jashtë vendit dhe organizatave bullgare jashtë vendit, bashkatdhetarët tanë arritën të votonin pa vështirësi në gjithsej 719 seksione në 57 vende, numri më i madh i të cilave ishte në Evropë.

Sipas korrespondentes së BNR në Çikago Elena Caneva, 445 nga bashkatdhetarët tanë që jetojnë në zonën e Çikagos votuan në seksionin në Mount Prospekt. 282 prej tyre preferuan votimin me makinë. Më së shumti vota morën “Vëzrazhdane”, e ndjekur nga “PP-DB” dhe në vendin e tretë është partia “Veliçie”.