Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Veliçie” nuk i mjaftojnë 29 vota për të hyrë në parlament dhe do të kontestojë rezultatet

Ivelin Mihajllov
Foto: BTA

Partia “Veliçie”, e cila në 100% të numërimit të protokolleve të Komisionit Qendror të Zgjedhjeve (KQZ) doli me rezultat 3.999% në vend të 4% të nevojshme për të hyrë në parlament, do të kërkojë anulimin e zgjedhjeve. Këtë e bëri të ditur për BNR Ivelin Mihajllov nga partia.“Kemi njerëz nga “Shërbimi Informativ” (kompania që përpunon rezultatet e zgjedhjeve) të cilët pas përfundimit të ditës së zgjedhjeve filluan të na thonë se po heqin votat për “Veliçie”. Ata më pas rregullojnë dhe ndryshojnë protokollet, bëje ashtu siç është e përshtatshme për ta... Nuk mund t'ju them burimet, sepse atëherë njerëzit kanë probleme”, theksoi Mihajllov. Partisë “Veliçie” nuk i mjaftojnë 29 vota për të arritur barrierën prej 4 për qind.

Megjithatë, shifrat nuk rrumbullakosen, theksoi në një konferencë për shtypin nënkryetarja e KQZ-së Rosica Mateva. Pyetjes se a ka arsye për anulimin e zgjedhjeve, ajo iu përgjigj se mbi këtë çështje do të shprehet Gjykata Kushtetuese nëse referohet.

Të dhënat e deritanishme nuk janë përfundimtare, rezultatet zyrtare do të jenë të qarta pas rikontrollimit të të dhënave në KQZ. Rezultatet përfundimtare dhe shpërndarja e mandateve do të shpallen deri më 31 tetor.




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 2 prillin

Nuk do të ketë ndryshime të theksuara të motit gjatë 24 orëve të ardhshme - do të mbajë vranësira dhe në shumë vende reshjet e shiut do të vazhdojnë, me ndërprerje të përkohshme. Të mërkurën në fund të ditës reshjet do të dobësohen dhe do..

botuar më 25-04-01 7.40.MD

Termocentrali i dytë më i madh në Bullgari shtyri pushimin nga puna të punonjësve

Termocentrali i dytë më i madh në Bullgari, “ContourGlobal Marica Iztok 3”, do të mbajë punonjësit e tij në këtë fazë. Këtë e tha drejtori ekzekutiv i termocentralit Vasill Shtonov për BNR Stara Zagora. Sot kompania private, në të cilën shteti ka 27%..

botuar më 25-04-01 4.26.MD

Gjendja e pjesshme e jashtëzakonshme në plazhin e Varnës për shkak të ndotjes me mazut

Gjendja e pjesshme e jashtëzakonshme në territorin e komunës së Varnës është në fuqi deri më 6 prill për shkak të derdhjes së mazutit në Detin e Zi, i cili arriti në vijën bregdetare dhe në plazhet e qytetit. Burimi i ndotjes mbetet i panjohur...

botuar më 25-04-01 3.59.MD