Zoti i ka dhuruar njeriut cilësinë e madhe - të ëndërrojë, dhe ne ëndërronim që pikërisht këtu, në Muzeun Getty, të dëgjonim në bullgarisht për hapjen e një ekspozite të jashtëzakonshme, një ekspozitë kushtuar një populli të lashtë, një ekspozitë që flet shumë - jo vetëm me sendet e saj unike, por me shpirtin e saj të veçantë. Këtë e tha nënpresidentja Ilijana Jotova në ceremoninë e hapjes së ekspozitës “Trakia e lashtë dhe bota klasike: thesare nga Bullgaria, Rumania dhe Greqia”. Ajo tregon marrëdhëniet kulturore midis trakëve dhe fqinjëve të tyre në vazhdim të 2 mijëvjeçarëve. Ekspozita mund të shihet në Vilën Getty deri më 3 mars 2025. 

Artefaktet përfshijnë ar, argjend, bronz, qeramikë, mbishkrime, relieve guri dhe vepra të tjera arti që tregojnë Trakinë dhe lidhjet e saj me kulturat e tjera të lashta në Mesdhe dhe më gjerë.

Nënpresidentja Jotova tha se është e rëndësishme që kjo ekspozitë të jetë në Getty sepse njerëzit në këtë muze janë ruajtës të dijes. "Ne jemi jashtëzakonisht krenarë që pikërisht këtu mund të tregojmë historinë e trakëve," shtoi ajo. Nënpresidentja bullgare falënderoi Institutin Kombëtar Arkeologjik me një muze në Akademinë Bullgare të Shkencave dhe Ministrinë e Kulturës për rolin e tyre të rëndësishëm në realizimin e ekspozitës. Në ekspozitë marrin pjesë 14 muze nga Bullgaria me mbi 150 artefakte, ose kjo është mbi 90% prej të gjitha eksponateve, transmetoi BTA.

Lexoni më shumë nga koleksioni i Radio Bullgarisë:

• "Bota e Trakëve" është një park për adhuruesit e trashëgimisë antike

• Trashëgimia e trakëve – mishëruar në monumente me rëndësi

• T’u afrohesh thesareve të trakëve