Lideri i "DPS-Fillimi i Ri" Deljan Peevski i bëri thirrje qeverisë së përkohshme, të gjitha institucioneve përgjegjëse, përfshirë Kuvendin, që t'i japin mandat eurodeputetes Elena Jonçeva për të negociuar për lirimin e marinarëve të rrëmbyer bullgarë nga anija "Galaxy". Kapiteni dhe ndihmës kapiteni Ljubomir Çanev dhe Danaill Veselinov janë në robëri të hutëve në Jemen dhe është detyrë e të gjithë shtetarëve të bëjnë gjithçka që është e nevojshme për të ndihmuar qytetarët bullgarë në vështirësi jashtë vendit. 

Vizita në Jemen dhe takimi i Elena Jonçevës me marinarët bullgarë të kapur, dëshmoi se është e mundur të gjendet mënyra për të negociuar lirimin e tyre, thotë politikani. Sipas tij, ajo duhet të marrë një mandat për negociata dhe të gjithë mbështetjen logjistike nga shteti në mënyrë që bullgarët të kthehen në shtëpi.