Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

PP-DB dhe MEÇ kanë dallime sa u përket partneriteteve të mundshme të qeverisjes

Tashmë 86 deputetë e mbështetën idenë për një kordon sanitar rreth Peevskit

| rinovuar më 24-11-12 6.18.MD
Foto: BTA

“Po e vazhdojmë ndryshimin – Bullgaria Demokratike (PP-DB) dhe MEÇ kanë synime të përbashkëta në lidhje me legjislacionin kundër korrupsionit, por ndryshojnë në partneritetet e mundshme të qeverisjes. Të dy palët u takuan për të diskutuar mundësitë e formimit të qeverisë, por gjatë bisedimeve, kreu i MEÇ Radostin Vasilev hodhi poshtë mundësinë e bashkëpunimit me GERB dhe propozoi përfshirjen e "Vëzrazhdane" në një koalicion anti-GERB dhe anti-DPS. Vasilev theksoi se është dakord me kushtin e izolimit të Peevskit, por propozoi bashkim politik të të gjithëve kundër Borisovit dhe Peevskit. Nga ana e tij, Kirill Petkov nga PP-DB ka refuzuar kategorikisht bashkëpunimin me “Vëzrazhdane”, duke theksuar se me këtë parti kanë dallime ideologjike. Në lidhje me legjislacionin kundër korrupsionit, Petkov shprehu shpresën se do të ndajnë ide të përbashkëta me MEÇ, por ata refuzuan propozimin për shtetëzimin e Lukoil dhe mbylljen e kompanive të mbledhjes së borxheve.

ITN mbështesin gjithashtu nismën e "kordonit sanitar" rreth Deljan Peevskit dhe legjislacionin kundër korrupsionit. Në takimin me PP-DB ata prezantuan edhe prioritetet e tyre – ndryshimin e Kodit Zgjedhor, pastrimin e të ashtuquajturave “shpirtra të vdekur”, ndryshimin në Ligjin e Drejtësisë. ITN këmbëngulin për kufizimin e kompetencave të Prokurorit të Përgjithshëm, ndryshimin e Kushtetutës në pjesën e qeverive teknike dhe kthimin e mënyrës së vjetër të emërimit të tyre nga presidenti, si dhe ndryshimin e kushteve për mbajtjen e referendumeve. Toshko Jordanov sugjeroi gjithashtu që doajeni midis deputetëve - Sillvi Kirillov - të mbetet në krye të Asamblesë Kombëtare.
Pas një takimi tjetër në Asamblenë Kombëtare, me iniciativën e PP-DB, u bë e qartë se Aleanca për të Drejtat dhe Liritë do të nënshkruajë deklaratën për "kordonin sanitar" rreth Deljan Peevskit dhe formacionit të tij “DPS - Fillimi i Ri”. Aleanca për të Drejtat dhe Liritë do të mbështesë gjithashtu paketën e legjislacionit kundër korrupsionit.


Последвайте ни и в Google News Showcase, за да научите най-важното от деня!

Më shumë nga rubrika

Borxhi kombëtar i Bullgarisë për vitin 2024 është gati sa ¼ e PBB-së

Borxhi i Bullgarisë për vitin 2024 është në përmasë prej 48.846 miliardë leva (24 miliardë euro) ose 24.1 për qind e PBB-së, sipas të dhënave paraprake nga Instituti Kombëtar i Statistikave. Në vitin 2023, borxhi i vendit ishte 42.383 miliardë leva..

botuar më 25-04-27 6.15.PD

Një spital për fëmijë do të hapet në Burgas deri në fund të vitit

Një spital për fëmijë për trajtim aktiv do të hapë dyert e tij në qytetin Burgas deri në fund të vitit, u bë e qartë gjatë inspektimit të ndërtimit të tij nga kryeministri Rosen Zheljazkov. Spitali do të ketë 16 reparte me 147 shtretër dhe do t'u..

botuar më 25-04-27 5.50.PD

Rosen Zheljazkov kryeson delegacionin bullgar në funeralin e Papa Françeskut

Kryeministri Rosen Zheljazkov kryeson delegacionin bullgar që do të marrë pjesë në ceremoninë e zisë për funeralin e Papa Françeskut sot, 26 prill, në Romë, Itali, njoftoi shërbimi i shtypit i kabinetit. Në delegacion përfshihen edhe..

botuar më 25-04-26 4.55.PD