Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Presidenti Rumen Radev u takua me Presidenten e Republikës së Maqedonisë së Veriut Gordana Siljanovska

| rinovuar më 24-11-13 3.48.MD
Presidentët Rumen Radev dhe Gordana Siljanovska
Foto: BTA

Presidenti Rumen Radev u takua në Baku me Presidenten e Republikës së Maqedonisë së Veriut Gordana Siljanovska, njoftoi BNT. Në fillim të bisedës, Radev falënderoi Siljanovskën për ftesën dhe theksoi se takimi është një vazhdim i rëndësishëm i "marrëdhënieve tona shumë të hapura dhe miqësore". Nga ana e vet, presidentja e Maqedonisë së Veriut shprehu keqardhjen që ajo që u diskutua me kreun e shtetit bullgar në takimin e tyre në Sofje në shtator nuk është dëgjuar.

“E rëndësishme është se çfarë duhet t’i themi njëri-tjetrit – theksoi presidenti Radev. Bisedat tona janë shumë miqësore dhe shumë domethënëse. Dhe më vjen shumë mirë që së bashku me ju mund të vendosim tonin për marrëdhëniet midis Bullgarisë dhe Maqedonisë së Veriut. Një ton bashkëpunimi, mirëkuptimi dhe respekti reciprok”, shtoi presidenti Rumen Radev. Me këtë u pajtua edhe presidentja e Maqedonisë së Veriut, Gordana Siljanovska, e cila theksoi se është e rëndësishme që popujt tanë të komunikojnë dhe shtoi se presidenti Radev është “elementi më i qëndrueshëm në vend”. Siljanovska gjithashtu theksoi rolin e shkëmbimit kulturor dhe diplomacisë në art, si dhe marrëdhëniet e mira mes qytetarëve të dy vendeve, të cilat duhet t'i ndjekin edhe politikanët.

Rumen Radev theksoi se kalendari kulturor midis Bullgarisë dhe Maqedonisë së Veriut është shumë intensiv dhe politikanët duhet të jenë më të interesuar për të dhe të mbështesin veprimtarët kulturorë, sepse ata janë shumë të rëndësishëm. Në fund të takimit, Siljanovska theksoi se dyert e Maqedonisë së Veriut janë të hapura për Bullgarinë.


Pas takimit të tij me Gordana Siljanovska gjatë konferencës së OKB-së për klimën COP29 në Azerbajxhan në Baku, Rumen Radev vuri në dukje: Bullgaria pret që qeveria dhe parlamenti i Maqedonisë së Veriut të zbatojnë gjithçka që është përcaktuar në kornizën e negociatave dhe në Traktatin e Fqinjësisë së Mirë, në mënyrë që vendi të mos humbasë kohën historike për anëtarësimin e tij evropian dhe problemi nuk është vetëm tek regjistrimin me kohë të bullgarëve në kushtetutën e vendit.

Rumen Radev shprehu shpresën se qeveria në Shkup do të punojë me mediat shtetërore për çështjen e gjuhës së urrejtjes. Ai shtoi se mund të fillohet nga tekstet shkollore dhe se në to nuk duhet të ketë tekste që nuk flasin mirë për marrëdhëniet bullgare me Maqedoninë e Veriut.
“Kjo mund të kontribuojë në ndërtimin e besimit dhe pres që ne të shkojmë në atë drejtim. Përndryshe, RSM dhe veçanërisht njerëzit në të, thjesht po humbasin kohën historike”, theksoi kreu i shtetit bullgar. Sipas tij, dialogu konstruktiv, pragmatik dhe i hapur, të cilin ata e vendosën së bashku me Gordana Siljanovskën, duhet ta miratojë edhe qeveria e Maqedonisë së Veriut.

Foto: BTA



Последвайте ни и в Google News Showcase, за да научите най-важното от деня!

Më shumë nga rubrika

PP vuri në dukje korrupsionin si një tipar dallues të kabinetit në 100 ditët e para të qeverisjes

“Po e vazhdojmë ndryshimin" (PP) theksoi korrupsionin si një nga mangësitë kryesore të qeverisjes njëqind ditësh të GERB-it, “BSP – E majta e bashkuar” dhe “Ka një popull tillë” (ITN). Partia nuk heq dorë nga vota e mosbesimit pas marrjes së raportit..

botuar më 25-04-24 5.44.MD
Hrusto Grozev

Gazetari Hristo Grozev: Për Moskën, lufta hibride është një ideologji dhe një industri

Për Rusinë, lufta hibride është një ideologji dhe një industri, këtë e deklaroi gazetari investigativ Hristo Grozev para eurodeputetëve nga komiteti special për mbrojtjen e demokracisë evropiane. Grozev mori pjesë online në takimin, i cili diskutoi..

botuar më 25-04-23 10.34.PD
Natalija Kisellova

Kryetari i Parlamentit vizitoi Festën e Pashkëve në Bosilegrad

Situata politike duhet të na japë mundësinë të fillojmë të punojmë me bashkatdhetarët tanë jashtë vendit që kanë identitet dhe shtetësi bullgare, në mënyrë që të ruhet fryma dhe kujtesa bullgare. Këtë e deklaroi kryetarja e Kuvendit Popullor, Natalija..

botuar më 25-04-22 9.39.PD