Bullgaria, e vendosur në qendër të qytetërimeve të lashta, ofron pamje mbresëlënëse historike, të rrethuara nga brigjet më të mira të Detit të Zi dhe vendpushimet e skive të klasit botëror të mbuluara me borë.Në territorin e tij nga 111 000 kilometra katrorë, vendi ndërthur një shumëllojshmëri përjetimesh turistike. Për më tepër, ajo po formohet si një destinacion gjithnjë e më i aksesueshëm dhe fitimprurës.
Kështu fillon artikulli i Euronews, me titull "Nga plazhet e arta deri në majat me borë - a është Bullgaria destinacioni më i mirë gjatë gjithë vitit në Evropë?". Publikimi thekson aspektet e shumta që e bëjnë vendin tonë jo vetëm unik, por edhe të aksesueshëm për turistët e huaj. "Një fjalë që përshkruan ofertën turistike të Bullgarisë është diversiteti" - thotë Evtim Milloshev, ministri në detyrë i turizmit në një intervistë për Euronews.
Në artikull theksohet edhe historia e lashtë e vendit tonë, e cila shtrihet në mijëvjeçarë, dhe qytetet dhe fshatrat tona që janë “muzetë e së shkuarës në të hapur”. "Përjetoni epokën e helenëve, romakëve të lashtë dhe Bizantit në qytetet e vjetra Sozopoll dhe Nesebër - një objekt i trashëgimisë botërore të UNESCO-së. Vizitoni Veliko Tërnovo, kryeqytetin e Mbretërisë së Dytë Bullgare, me kështjellat e tij të lashta të shpërndara mbi kodra dhe me kalldrëm rrugëve”, thuhet në botim.
Bullgaria spikat ndër destinacionet evropiane me atraktivitetin e saj për turistët në të gjitha stinët, thekson Euronews. Artikulli përmend gjithashtu destinacionet kryesore verore në Detin e Zi si Sllënçev Brjag dhe Zllatnite Pjesëci - disa nga vendpushimet më të famshme që tërheqin me plazhet e tyre me diell dhe kushtet e pushimeve të klasit të parë. Në të njëjtën kohë, vendpushimet dimërore, përfshirë Bansko dhe Borovec, janë të njohur jo vetëm për shumëllojshmërinë e pistave të tyre, por edhe për organizimin e garave ndërkombëtare të skive. Pamporovo tërheq gjithashtu një gamë të gjerë turistësh të gatshëm për të eksploruar natyrën e bukur dhe sportet dimërore.
Botimi vë në dukje gjithashtu një nga nismat më të fundit të Bullgarisë - për t'i paraqitur botës një produkt turistik të integruar: Destinacioni Ballkani. “Po punojmë për të krijuar lidhje të reja ajrore mes kryeqyteteve ballkanike për të ofruar një produkt të përbashkët turistik. Qëllimi është që turistët nga tregjet e huaja të kenë mundësinë për një udhëtim unik dhe të integruar që mbulon kulturën, historinë, natyrën dhe traditat e kuzhinës të disa vendeve të rajonit” - thekson në intervistë ministri Evtim Milloshev.
Bullgaria po bëhet gjithashtu një destinacion popullor për turizmin e shëndetit dhe mirëqenies me qytetet antike dhe vendpushimet spa. Vizitorët mund të zhyten në burimet termale minerale, si ato në qytetet Hisarja, Pavell Banja - i famshëm për gërmimet arkeologjike romake dhe Velingrad, i quajtur "kryeqyteti spa i Ballkanit", shkruan Euronews.
Lexoni më shumë nga koleksioni i Radio Bullgarisë:
Redaktore: Veneta Nikollova
Përgatiti në shqip dhe publikoi: Svetllana Dimitrova
Foto: Reuters, BGNES, banskoski.com
Në Rodopet Lindore, në vendin ku patrikët romakë pinin verë nën kolona mermeri, sot turistët veshin toga autentike dhe mahniten nga mozaikët origjinalë të shekujve II-III. Vila “Armira” – e vetmja rezidencë aristokratike romake e ruajtur në Ballkan me..
10 vite dhe 18 000 fotografi të publikuara – ky është bilanci i Ivan Shishiev, i cili lejoi veten të hedhë një vështrim të shkurtër pas në dekadën e kaluar. Vite, në të cilat ai ka fiksuar pa numër momente, fytyra dhe vende simbolike në kryeqytetin..
I vetmi në Ballkan, por edhe unik për të gjithë Evropën – ky është Muzeu nëntokësor i minierës në Pernik, që ndodhet vetëm rreth 30 kilometra nga Sofja. Ai është ndërtuar në një minierë funksionale, dikur e njohur si "Minierat e Vjetra". Hapja e saj..
Pjesërisht me re
Vranësira të dendura