Borisllav Sarafov i plotëson të gjitha kushtet dhe ka cilësitë për t'u zgjedhur kryeprokuror. Ky qëndrim u mbajt nga Komisionet e Certifikimit dhe Konkurseve dhe të Etikës Profesionale pranë Kolegjit të Prokurorit të Këshillit të Lartë Gjyqësor, duke argumentuar se ndaj të ngarkuarit me postin e prokurorit të përgjithshëm, në 5 vitet e fundit nuk u vendosë asnjë masë disiplinore, nuk u hetua dhe nga inspektimet e nisura në bazë të raportimeve ndaj tij nuk u konstatuan parregullsi.

"Të jesh i ngarkuar me postin e prokurorit të përgjithshëm në kohërat e errëta politike nuk është punë e vogël. Nuk do të kursej asnjë përpjekje dhe veten time që ta kryej misionin dhe përgjegjësinë për ta udhëhequr prokurorinë në atë mënyrë që të jetë në dobi të shoqërisë”, tha Borisllav Sarafov. Në konceptin e tij  ai e vë theksin mbi kundërvënien e krimit të organizuar, krimeve të korrupsionit dhe atyre të lidhur me traumat e transportit dhe dhunën në familje. Në të njëjtën kohë ai zotohet të mos lejojë që zyra e prokurorisë të shfrytëzohet për qëllime politike.

Deri më tani, në mbështetje të Borisllav Sarafov u paraqitën tre opinione - nga Shoqata "Engjëjt në rrugë", Universiteti i Veliko Tërnovos dhe Organizata Hebraike "Shalom".

Lexoni më shumë mbi temën:

• Gjyqtarët dhe presidenti janë të bashkuar kundër synimit të Këshillit të Lartë Gjyqësor për të zgjedhur kryeprokurorin e ri

• Këshilli i Lartë Gjyqësor u përgjigj me një deklaratë thirrjeve për të mos proceduar me zgjedhjen e kryeprokurorit dhe kryetarit të Gjykatës së Lartë Administrative

• Еdhe avokatët kërkuan pezullimin e procedurës së zgjedhjes së kryeprokurorit të ri dhe kryetarit të Gjykatës së Lartë