Kolegjiumi i Prokurorëve i Këshillit të Lartë Gjyqësor pranoi raportet e Komisionit për Atestim dhe Konkurse dhe Komisionit për Etikën Profesionale lidhur me kandidaturën e Borisllav Sarafov për postin e kryeprokurorit, njoftoi BTA. Sipas kryetarit të komisionit të atestimit Ognjan Damjanov, Sarafov ka aftësi të dëshmuara administrative, ka cilësi të larta profesionale dhe i plotëson të gjitha kërkesat. Kryetari i Komisionit për Etikën Profesionale, Georgi Kuzmanov, theksoi se Sarafov respekton standard të lartë etik, ka përvojë të madhe dhe udhëhiqet nga standardi i lartë në drejtësi.

Votimi kaloi pa debat, me tetë vota unanime, dhe kështu Sarafov u pranua në seancën dëgjimore më 16 janar. Pas përfundimit të parakohshëm të mandatit të paraardhësit të tij Ivan Geshev nga Këshilli i Lartë Gjyqësor, Sarafov aktualisht kryen funksionet e prokurorit të përgjithshëm.