Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria është mirënjohëse për mbështetjen hungareze për Shengenin

Ivan Kondov (majtas) dhe Peter Szijjártó
Foto: mfa.bg

Në takimin me Ministrin e Punëve të Jashtme të Hungarisë, Peter Szijjártó, Presidenti Rumen Radev shprehu mirënjohjen e tij për mbështetjen e Hungarisë për anëtarësimin e Bullgarisë në zonën Shengen. Në një deklaratë nga zyra e shtypit e kreut të shtetit thuhet se presidenti ka uruar Hungarinë për presidencën e suksesshme të Këshillit të Bashkimit Evropian (BE). Radev dhe Szijjártó kanë shprehur qëndrimin e përbashkët se anëtarësimi i Bullgarisë dhe Rumanisë në Shengen përmirëson mjedisin e biznesit dhe lehtëson shkëmbimin ekonomik dhe turizmin në të gjithë rajonin. Sipas presidentit, Hungaria është një partner me të cilin ne jemi të lidhur me lidhje të thella historike dhe marrëdhënie miqësore, të cilat janë një bazë solide për forcimin e bashkëpunimit mes nesh.

Tregtia dypalëshe i kalon dy miliardë euro dhe u shpreh një interes i ndërsjellë për rritjen e saj të mëvonshme. Nga ana e tij, Peter Szijártó shprehu interesin e Hungarisë për të investuar në portet bullgare të Detit të Zi, Varna dhe Burgas. U diskutuan edhe çështje lidhur me aksesin në furnizime të sigurta dhe të përhershme të burimeve energjetike, si dhe me partneritetin dypalësh të mbrojtjes.

Pas presidentit, Peter Szijjártó ka biseduar edhe me ministrin e jashtëm në detyrë Ivan Kondov në Ministrinë e Punëve të Jashtme. Ministri Kondov gjithashtu ka shprehur vlerësimin e tij për mbështetjen e Presidencës hungareze të Këshillit të BE-së për heqjen e kontrolleve të brendshme kufitare.
Temë e bisedës kanë qenë edhe çështjet aktuale të agjendës evropiane dhe ndërkombëtare, si zgjerimi i BE-së, lufta e Rusisë në Ukrainë dhe marrëdhëniet transatlantike, njofton MPJ.

Më herët sot, lideri i GERB-it Bojko Borisov foli me Peter Szijjártó dhe falënderoi kryeministrin Viktor Orbán dhe Presidencën hungareze për udhëheqjen në procesin e pranimit të Bullgarisë në Shengen edhe nga toka. Në Facebook, Borisov shkroi se të dy kanë konfirmuar edhe një herë nivelin e shkëlqyer të bashkëpunimit dypalësh midis Bullgarisë dhe Hungarisë dhe zhvillimin e mëtejshëm të tyre në sektorë kyç, si energjia, ekonomia dhe infrastruktura.

Lexoni më shumë nga arkivi ynë:



Последвайте ни и в Google News Showcase, за да научите най-важното от деня!

Më shumë nga rubrika

Presidenti Radev dhe Mbreti i Jordanisë Abdullah II

Sofja është mikpritëse e "Procesit Akaba" me fokus sigurinë në Ballkan

Presidenti i Bullgarisë Rumen Radev dhe Mbreti i Jordanisë Abdullah II po presin takimin e nivelit të lartë “Procesi Akaba” me fokus Ballkanin, në të cilin marrin pjesë afro 30 delegacione të kryesuara nga krerë shtetesh, përfaqësues të qeverive,..

botuar më 25-04-04 4.29.MD
Rosen Zheljazkov

Votimi i mosbesimit ndaj qeverisë së Zheljazkovit nuk kaloi siç pritej

Votimi i parë i mosbesimit ndaj qeverisë së Rosen Zheljazkov ishte, siç pritej, i pasuksesshëm. 150 deputetë hodhën poshtë mocionin e mosbesimit të grupeve parlamentare të "Vëzrazhdane", MEÇ dhe "Veliçie" për dështim në politikën e jashtme. Në..

botuar më 25-04-03 3.21.MD

Deputetët diskutojnë votën e mosbesimit ndaj kabinetit të Rosen Zheljazkov

“Kur kemi të bëjmë me diplomaci, duhet të merremi me faktet dhe të vërtetën zyrtare”, tha ministri i jashtëm Georg Georgiev në Kuvendin Popullor gjatë debateve të votës së mosbesimit ndaj qeverisë për shkak të dështimit të politikës së jashtme. Ai..

botuar më 25-04-02 12.13.MD