Kryeministri në detyrë Dimitër Gllavçev konfirmoi qëndrimin e Bullgarisë në lidhje me anëtarësimin e Republikës së Maqedonisë së Veriut në BE. Kjo temë u diskutua në një bisedë telefonike mes Gllavçevit dhe kryetarit të Këshillit Evropian, Antonio Koshta, para takimit të rregullt të Këshillit Evropian më 19 dhjetor, i cili do të jetë i pari i kryesuar nga Koshta. “Me sjellje jo evropiane nuk mund të arrihen rezultate evropiane”, theksoi kryeministri. Ai tha se vendi ynë mbështet integrimin evropian të Maqedonisë së Veriut, por në përputhje me Marrëveshjen për Fqinjësi të Mirë, Miqësi dhe Bashkëpunim mes dy vendeve nga viti 2017. Gllavçev ishte kategorik se në shoqërinë bullgare ekziston një unanimitet i plotë mbi këtë temë dhe se asnjë kryeministër bullgar - zyrtar apo i rregullt - nuk do të mbështeste një qëndrim të ndryshëm nga ai i miratuar zyrtarisht nga Kuvendi Popullor. "Bullgaria mbetet e përkushtuar ndaj perspektivës evropiane të rajonit, por dallimet duhet të kapërcehen përmes dialogut konstruktiv dhe respektit të ndërsjellë", theksoi Gllavçev.