7
Kisha e Bojanës do të jetë një qendër tërheqëse për delegatët e sesionit të 47-të të Komitetit të Trashëgimisë Botërore të UNESCO-s, të cilët do të mblidhen në Sofje në korrik të këtij viti. Kisha “Shën Nikolla dhe “Shën Pantelejmoni” është një nga simbolet kulturore të Bullgarisë dhe është në listën e monumenteve që vendi ynë si mikpritës do t'u prezantojë pjesëmarrësve në forum.
Kisha e Bojanës bën përshtypje me afresket e saj të mrekullueshme mesjetare, duke përfshirë imazhet e dhuruesve të viteve 1258/59 të çiftit sebastokrator Kallojan dhe Desisllava dhe të familjes sunduese bullgare të asaj kohe – Mbreti Konstantin Tih Asen (1257 - 1277) dhe Mbretëresha Irina. Stili i mbishkrimeve muraleve është i lidhur me traditat e Shkollës së Pikturës së Tërnovos nga shekulli i XIII-të. Mjeshtri i panjohur i imazheve i përmbahet ikonografisë klasike.
Një fakt kurioz është se kisha përmban edhe pikturën e parë murale me imazhin e murgut të përulur nga mali i Rillës dhe mbrojtësit qiellor të popullit bullgar, Shën Ivan Rillski, e cila daton në 1259.
Edhe afresku me skenën e Darkës së Fundit daton nga i njëjti vit (për krahasim, Leonardo da Vinci punoi në afreskun e tij "Darka e Fundit" në 1495). Kompozimi i këtij afresku në Kishën e Bojanës është më i ndryshëm. Jezusi është pikturuar në të majtë, dhe për më tepër, janë të pranishëm vetëm 11 apostuj. Juda përshkruhet sikur shtrihet në tryezë dhe identifikohet si ai për faktin se është pa aureolën e një shenjtori. Një tjetër element interesant është ushqimi në tryezë, i cili përfshin rrepa dhe qepë - ushqim që lidhet më shumë me kuzhinën tradicionale të Bullgarisë, dhe nuk është pjesë e përshkrimit ungjillor të skenës.
"Shkalla me të cilën vizatohen njerëzit korrespondon plotësisht me shkallën e një personi real. Edhe në vendet ku figurat duhet të reduktohen, ato janë tredimensionale, shihet lëvizje, perspektivë - e gjithë kjo gjendet në një mënyrë komplekse për herë të parë në botë në "Kishën e Bojanës" - thotë historiania dhe kuratorja në Kishën e Bojanës Stanimira Dojçinova në programin "Radio Sofja" të Radios Kombëtare Bullgare.
Lexoni më tepër:
Përpiloi: Gergana Mançeva
Foto: boyanachurch.info, historymuseum.org
Përgatiti në shqip dhe publikoi: Vesella Mançeva
Shkolla e Lartë Detare “Nikolla J. Vapcarov” në Varna festoi 144 vjetorin e themelimit. Gjatë të gjitha këtyre viteve institucioni arsimor ndjek tendencat për trajnime të specializuara të specialistëve në fusha të ndryshme profesionale që lidhen me..
Në kryeqytet u shfaq filmi dokumentar i gazetares Milena Milotinova "Vetëm sepse ata ishin bullgarë". Ai kujtoi ngjarjet e të ashtuquajturve “Krishtlindjet e përgjakshme” në Maqedoni në vitin 1945. Në shfaqjen në Institutin Maqedonas asistuan..
Duke u zhvendosur në Besarabi më shumë se dy shekuj më parë, bullgarët morën me vete një pjesë të ritualeve tona të pasura. Në atdheun e tyre të ri, disa zakone u modifikuan nën ndikimin e traditave vendase, të tjera u zhdukën, ndërsa disa të tjera u..
Shkolla e Lartë Detare “Nikolla J. Vapcarov” në Varna festoi 144 vjetorin e themelimit. Gjatë të gjitha këtyre viteve institucioni arsimor ndjek tendencat..
Shi bore
Reshje shiu/dëbore
Vranësira
Dëborë 