Pak para remiksit të këngës “Të dy” nga Fabrizio Parisi, e cila vë fillimin e një projekti të tyre të përbashkët, këngëtarja Desi Dobreva prezantoi këngën e re origjinale “Në fund të tokës”. Muzika dhe teksti janë të sajat, për aranzhimin iu drejtua Julijan Janevit, me të cilin punon prej shumë vitesh.
"Kënga është e imja - kam krijuar edhe muzikën, edhe tekstin, dhe për mua kënga është si një rrëfim personal – thotë Desi Dobreva. – Këtu në fakt kam kënduar veten time, atë që dua t'i them botës dhe njerëzve rreth meje. Mesazhi është afër "Të dy", sepse flet se si në botën e sotme shumë të modernizuar, ne jemi të rrethuar nga të gjitha llojet e lajmeve - qofshin të rreme, apo reale - dhe të gjitha llojet e teknologjisë. Ne pushuam së kushtuari vëmendje njëri-tjetrit. Nuk kemi kohë, nuk kemi durim, nuk kemi qetësi. Në një farë mënyre komunikimi ynë pothuajse është kthyer në luftë. Mesazhi i të dyja këngëve është të përpiqemi t'i kushtojmë vëmendje njerëzve që na rrethojnë dhe vetvetes. Le t'i japim pak kuptim asaj që bëjmë, në mënyrë që ajo të mbetet pas nesh."

Desi pranon gjithashtu një interpretim tjetër të titullit "Në fund të tokës" - bota tashmë është aq globale sa asgjë nuk është aq larg sa na duket. Dhe shton:
"Në fundin e tokës... nëse dikush shikon, do të shohë se nuk ka fund - ka fillim. Dhe ndonjëherë njeriu duhet të arrijë në fund, që të mund të fillojë nga e para."
Hite roku me tekste dhe mesazhe serioze me të cilat është rritur më shumë se një brez – kjo është ajo që gjejmë në albumin e ri të grupit "Faktor", të titulluar "Kundër Kohës". Dhe koha duket se po punon në favorin e tyre, dhe për më shumë se..
Konkursi i 8-të Ndërkombëtar i Violinës "Vasko Abaxhiev" do të mbahet në Sofje nga 20 deri më 23 nëntor me një interes rekord. Organizatorët nga Klubi i UNESCO-s "Leonardo da Vinci" - Sofje janë të kënaqur me 32 aplikimet e marra nga 14 vende,..
"Kështu është jeta" – kjo është motoja e koncertit më 19 nëntor, në të cilin kompozitori Stefan Dimitrov bashkon emra legjendarë si Bogdana Karadoçeva, Mihaill Bellçev, Vëllezërit Argirovi, Mimi Nikollova, Doni, së bashku me artistë të rinj, por..