Bullgaria nuk ka gabime në përthithjen e fondeve të BE-së në fushën e bujqësisë dhe burimeve natyrore për vitin 2023, theksohet në raportin vjetor të auditorëve evropianë. Raporti u diskutua në takimin e përbashkët të ministrit të bujqësisë, Georgi Tahov dhe anëtares bullgare të Gjykatës Evropiane të Auditorëve, Iliana Ivanova. Përqindja e gabimeve në nivel evropian është 2.2%, por për Bullgarinë nuk janë gjetur gabime për periudhën e audituar, sipas qendrës së shtypit të Ministrisë së Bujqësisë. Sipas ministrit Tahov, vlerësimi i Gjykatës Evropiane të Auditorëve është një njohje e punës së institucioneve bullgare dhe aspiratës së tyre për shpenzim efikas të fondeve evropiane. Në periudhën e audituar, Georgi Tahov ishte drejtor ekzekutiv i Fondit Shtetëror "Bujqësia", i cili si agjenci paguese është drejtpërdrejt përgjegjëse për thithjen e parave evropiane në bujqësi.