Parlamenti ukrainas ka miratuar blerjen e dy reaktorëve bërthamorë rusë nga Bullgaria, raporton Euractiv. Komiteti i Energjetikës në Verhovna Rada i ka dhënë dritën jeshile blerjes së dy reaktorëve të vjetër bërthamorë rusë për të zgjeruar centralin atomik Hmellnicki.

"Kabineti i Ministrave të Ukrainës dhe “Energoatom” janë të autorizuar të negociojnë, të finalizojnë tekstin, të nënshkruajnë, të paguajnë, të pranojnë dhe ruajnë pajisjet," thuhet në amendament, të parë nga Euractiv. Centrali bërthamor Hmellnicki në Ukrainën Jugperëndimore u ndërtua në fillim të viteve 1970. Për shkak të aksidentit të Çernobilit, ajo ka funksionuar gjithmonë me gjysmë kapaciteti. Në vitin 2023 filluan negociatat për blerjen e dy reaktorëve rusë nga Bullgaria për termocentralin e papërfunduar Belene. Blerja e planifikuar ka një çmim të luhatshëm prej të paktën 600 milionë eurosh, kujton BGNES.