Të dashur miq, jemi të lumtur të njoftojmë se kartolinat QSL të Radios Kombëtare Bullgare për vitin 2025 janë tashmë të disponueshme. Dy seritë - njëra me 6 kartolina dhe tjetra me 12 - titullohen "Bukuria e Bullgarisë".

Seria prej 6 kartolinash konfirmon dëgjimin e programeve të Radio Bullgarisë në të gjitha gjuhët.

Për të marrë këtë seri, duhet të na dërgoni raporte që tregojnë datën dhe gjuhën e programit të dëgjuar, si dhe detaje rreth përmbajtjes së tij. QSL dërgohet pas marrjes së numrit të kërkuar të raporteve, pavarësisht nga gjuha në të cilën janë dëgjuar programet në faqen tonë.

Për kartolinën QSL Nr. 1 – 3 raporte për janarin dhe 3 raporte për shkurtin

Për kartolinën QSL Nr. 2 – 3 raporte për marsin dhe 3 raporte për prillin

Për kartolinën QSL Nr. 3 – 3 raporte për majin dhe 3 raporte për qershorin

Për kartolinën QSL Nr. 4 – 3 raporte për korrikun dhe 3 raporte për gushtin

Për kartolinën QSL Nr. 5 – 3 raporte për shtatorin dhe 3 raporte për tetorin

Për kartolinën QSL Nr. 6 – 3 raporte për nëntorin dhe 3 raporte për dhjetorin

Seria prej 12 kartolinash, e realizuar me ndihmën e mirëfilltë të Ministrisë së Turizmit të Republikës së Bullgarisë, konfirmon të gjitha sinjalet e kapura të transmetuara nga Radioja Kombëtare Bullgare (BNR) - programet "Horizont", "Hristo Botev", stacionet regjionale të BNR-së dhe transmetimet e Radio Bullgarisë – programet për jashtë shtetit.

Për t’i marrë këto kartolina, duhet të na dërgoni një raport që tregon datën, kohën dhe frekuencat e transmetimit që keni dëgjuar, si dhe detaje rreth përmbajtjes së tij dhe cilësisë së sinjalit.

Raportet mund të dërgohen në:
postën elektronike: reception.report@bnr.bg ose në adresën tonë postare: Bullgaria, Sofja, Blvd. “Dragan Cankov” nr. 4, Radioja Kombëtare Bullgare (BNR), Desisllava Semkovska.

Ja se çfarë përshkruhet në kartolinat e "Radio Bullgarisë" për këtë vit:

QSL 1 – Teatri antik në Plovdiv

QSL 2 – Ura e Koljo Fiçeto në qytetin Bjalla

QSL 3 – Shkëmbinjtë e Bellogradçikut

QSL 4 – Pllaja Devetashko

QSL 5 – Manastiri i Rillës

QSL 6 – Shiroka Llëka

Seria prej 12 kartolinash do t'ju befasojë me vende edhe më të bukura, pak të njohura dhe tërheqëse në Bullgari!

Lexoni më shumë:

• Kartolinat QSL të Radio Bullgarisë

Përpiloi: Desisllava Semkovska

Foto: Desisllava Semkovska

Përgatiti në shqip dhe publikoi: Vesella Mançeva