Festa ortodokse për nder të Shën Trifonit kremtohet më 1 shkurt sipas stilit të ri. Në kalendarin folklorik kjo festë përbën një cikël prej 3 ditësh radhazi - 1, 2 dhe 3 shkurt, të quajtura Trifunci. E quajtur nga populli ynë Trifon Zarezan – Trifon Krasitësi, festën e respektojnë vreshtarët, kopshtarët, hanxhinjtë. Disa njerëz e shënojnë atë më 1 shkurt (me festën fetare), dhe shumica - më 14 shkurt, kur ishte dita e Shën Trifonit sipas stilit të vjetër.
Mëngjesin e 1 shkurtit vreshtarët dhe adhuruesit e verës së mirë u drejtohen vreshtave së bashku për të kryer krasitjen e parë rituale dhe, me bekimin e ujit, të kërkojnë mbrojtje hyjnore nga shenjtori mbrojtës. Është traditë, që në festën e Trifon Zarezanit të pihet vera e prodhuar nga vjelja e vitit të kaluar dhe të spërkaten me të vreshtat, që të ketë pjellori dhe ogur të mirë gjatë gjithë vitit.
Trifon Zarezan edhe këtë vit hap dyert e bodrumeve të verës në mbarë Bullgarinë. Për vizitorët përgatiten biseda origjinale për traditat dhe veçoritë e rajoneve të verës në Bullgari. Disa prej kantinave, përveç degustimit, ofrojnë edhe aktivitete artistike, si “pikturë dhe verë”, veprimtari kjo e cila kohët e fundit gëzon një interes të madh gjatë gjithë vitit.
Festivali i verës në Bullgarinë Jugperëndimore është gjithashtu i shumëpritur. Mikpritës është fshati Dellçevo i rajonit të qytetit Goce Dellçev. Aty degustimi dhe programi folklorik me pjesëmarrjen e grupeve amatore nga rajoni vazhdon dy ditë të tëra - më 1 dhe 2 shkurt. Programi përfshin edhe një konkurs për prodhuesin më të mirë të verës dhe rakisë. Në vitet e fundit, konkursi mbledh mbi 120 konkurrentë, duke përfshirë jo vetëm prodhues vendor, por edhe mjeshtër të verës nga Greqia dhe Maqedonia e Veriut.
Lexoni më shumë nga koleksioni i Radio Bullgarisë:
Përpiloi: Gergana Mançeva
Përgatiti në shqip dhe publikoi: Svetllana Dimitrova
Foto: BTA - arkiv
Fshati piktoresk i Gabrovos, Iglika, i shndërron rrugët dhe oborret e tij në një shesh të madh ekspozitash në ajër të hapur. Nga 1 deri më 3 gusht, "Iglika Kilim Fest" paraqet një koleksion mbresëlënës prej gati 900 qilimash autentikë të..
Çdo njeri në vendin tonë ka dëgjuar që në fëmijëri histori të frikshme për vampirë të rrezikshëm. Sot i njohim më së shumti përmes mënyrës se si i paraqesin autorët e romaneve dhe sidomos titujt e famshëm në kinematografi. Megjithatë, nuk duhet të..
Vëlingradi fton përsëri këtë vit të gjithë adhuruesit e folklorit bullgar të vallzojnë në valle pranë burimeve të famshme minerale të qytetit. Më 12 dhe 13 korrik, sheshi qendror i Vëlingradit do të mbushet me tingujt e daulles dhe gajdes gjatë ngjarjes..
Diell, re, shi, bubullime
Mot i kthjellët
Pjesërisht me re
Vranësira të ndryshueshme mundësi për reshje shiu
Vranësira të dendura