BSP-ja bashkëqeverisëse propozon një projekt-ligj për të vendosur një tavan mbi rritjen e çmimeve për ushqimet bazë. Udhëheqësja  e formacionit "Ngrihu, BG" Maja Manollova, e cila dje shpalli kandidaturën për Avokatin e Popullit, shpjegoi për Radion Kombëtare Bullgare se bëhet fjalë për 70 produkte nga shporta e vogël e konsumatorit, duke sqaruar se lista duhet të përcaktohet nga Këshilli i Ministrave. Masa duhet të zbatohet për pikat e shitjes me pakicë që kanë një xhiro vjetore mbi 10 milionë leva (5 milionë euro) Parashikohen edhe sanksione në masën 3% të xhiros vjetore të tregtarit, sqaroi Manolova. “Familjet bullgare janë donatorë të këtyre çmimeve në rritje të paarsyeshme. “Kjo kërkon që shteti të ndërhyjë dhe të mbrojë konsumatorët”, thotë Manollova. Ajo gjithashtu akuzoi zinxhirët e mëdhenj të shitjes me pakicë se realizojnë miliarda fitime që rrjedhin në kompanitë e tyre mëmë jashtë vendit.