Adriana Bojaxhieva solli medaljen e parë të artë për Bullgarinë nga Kampionati Evropian i Karatesë për të rinj në qytetin polak Bielsko-Biala. Në finalen e kategorisë 54 kg., kumite, Adriana shënoi një tjetër sukses bindës – ndaj Sofia Halievska nga Ukraina me 7:0 dhe fitoi vendin e parë në kategorinë e saj.

Kryeministri Rosen Zheljazkov uroi Adriana Boaxhieva për suksesin e saj, njoftoi Këshilli i Ministrave. "Me shpirt të fortë dhe paraqitje mbresëlënëse, ajo me meritë u ngjit në krye në kategorinë deri në 54 kg, kumite. Ky sukses është krenari për Bullgarinë dhe dëshmi e talentit dhe këmbënguljes së sportistëve tanë. Bravo, Adriana!", është shkruar në faqen e qeverisë në Facebook.

Në turneun në Poloni marrin pjesë mbi 1200 atletë nga 49 vende, të cilët garojnë për titujt e “kata” dhe “kumitë”. Bullgaria përfaqësohet me 22 garues.