Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shkolla "Ivan Vazov" në Paris me një sfidë magjike për fëmijët që shkruajnë bullgarisht

3
Shkolla bullgare "Ivan Vazov" në Paris
Foto: arkiv

Ekipi i shkollës bullgare të së dielës "Ivan Vazov" në Paris po përgatit edicionin e dytë të konkursit letrar ndërkombëtar "Penda magjike". Sfida është për të gjithë fëmijët dhe të rinjtë në mbarë botën që shkruajnë në bullgarisht, pavarësisht nga shkolla që frekuentojnë.

"Qëllimi është që krijuesit e rinj të fluturojnë mbi krahët e imagjinatës së tyre të pakufishme dhe të krijojnë vepra origjinale në bullgarisht. Ne nuk presim përshkrime ëndrrash, por histori magjike në prozë apo vargje, aventura interesante, personazhe që do ta bëjnë lexuesin të dëshirojë të lexojë gjithnjë e më shumë" - shkruajnë nismëtarët e konkursit letrar dhe ftojnë bullgarët e rinj të frymëzuar të dërgojnë veprat e tyre deri më 1 prill 2025.

"A jeni gati të fluturoni me PENDËN MAGJIKE, të zbuloni vende dhe krijesa magjike, të ndesheni me diçka të jashtëzakonshme dhe të papritur? A jeni gati të ndani me ne përrallat, tregimet, poezitë tuaja magjike? Nëse jeni gati, tani është koha!"



Krijuesit do të ndahen në tre grupmosha - nga 6 deri në 10 vjeç; nga 11 deri në 14 vjeç dhe nga 15 në 18 vjeç. Veprat e tyre do të vlerësohen nga një juri prej katër anëtarësh, e kryesuar nga shkrimtarja dhe përkthyesja Zdravka Evtimova - fituese e çmimeve prestigjioze letrare në SHBA dhe Evropë. Anëtarë të jurisë janë poetja bullgare nga Vjena Katja Kremzer, Lili Spasova - shkrimtare dhe eksperte kryesore në Agjencinë Ekzekutive për Bullgarët Jashtë Shtetit dhe shkrimtari Radosllav Gizginxhiev, i njohur si "banditi në letërsinë bullgare".

Radosllav Gizginxhiev, Lili Spasova, Katja Kremzer dhe Zdravka Evtimova

Secili pjesëmarrës do të jetë në gjendje të prezantojë vepra të veta në dy kategoritë e konkursit - poezi dhe prozë. Pjesëmarrja është falas, dhe e vetmja kërkesë e detyrueshme është që veprat të kenë një element magjik.

Që të zhvillohet ky edicion i dytë, shkolla jonë fitoi një projekt para Ministrisë së Arsimit dhe Shkencës të Republikës së Bullgarisë në kuadër të programit "Gjuha amtare dhe kultura jashtë vendit". Partneri ynë është përsëri Agjencia Ekzekutive për Bullgarët Jashtë Shtetit – vuri në dukje shkolla e së dielës "Ivan Vazov" pranë asociacionit "Hristo Botev" - Paris.

Përpiloi: Elena Karkallanova
Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Galeria

Më shumë nga rubrika

Filmi më i fundit i Stefan Komandarev do të shfaqet premierë në Festivalin e Filmit në Venecia

Filmi i ri i regjisorit Stefan Komandarev "Made in EU" është në përzgjedhjen zyrtare të Festivalit të Filmit në Venecia. Filmi është në seksionin "Spotlight", i cili përfshin një përzgjedhje prej 8 veprash nga zhanre të ndryshme, me theks në..

botuar më 25-07-22 1.41.MD
Foto: Universiteti i Sofjes - Shën Kliment Ohridski

Seminari Veror i Bullgaristikës në Sofje për të huaj ngjall interes të qëndrueshëm drejt Bullgarisë

Leksionet në gjuhën bullgare, por edhe seminaret për përkthim, biseda mbi tendencat e reja në letërsinë dhe kulturën bashkëkohore bullgare, traditat, folklori, takime me kinemanë bullgare të sotme… të gjitha këto janë pjesë e programit të edicionit të..

botuar më 25-07-17 7.30.PD
Zdravka Evtimova

Zdravka Evtimova: Për bullgarët jashtë shtetit, Bullgaria vazhdon të jetë një ilaç i mirë

“Në vendet e largëta, ku japin mësim, mësuesit bullgarë krijojnë Bullgarinë.” Shkrimtarja Zdravka Evtimova, autore e këtyre fjalëve, në fund të korrikut do të jetë mysafire speciale e konferencës vjetore të Shoqatës së Shkollave Bullgare jashtë..

botuar më 25-07-13 9.00.PD