Me rastin e festës së Shën Kirilit, Muzeu Arkeologjik "Veliki Presllav" prezanton ekspozitën "Në rrugën e nxënësve". Ekspozita kushtuar krijuesve të alfabetit sllavo-bullgar tregon rrugën e Kirilit dhe Metodit në Bullgari, si pjesë e Rrugës Kulturore Evropiane të Këshillit të Evropës. Ajo organizohet nga Qendra Shkencore e Kirilit dhe Metodit në Akademinë Bullgare të Shkencave dhe Muzeu Arkeologjik në Veliki Presllav , me mbështetjen financiare të Ministrisë së Kulturës.
Vizitorët do të mund të shohin mbishkrime cirilike të panjohura për publikun e gjerë, të lidhura me Shkollën Letrare të Presllavit, elemente të ndryshme liturgjike që janë përdorur gjatë Mbretërisë së Parë Bullgare dhe kryeqytetit të saj të dytë - Veliki Presllav. Ekspozita përfshin gjithashtu vendet e adhurimit të veprës së Kirilit dhe Metodit dhe atë që ka mbetur në Veliki Presllav si trashëgimi e teksteve cirilike.
Në ditët e sotme më shumë se 300 milionë njerëz shkruajnë me shkronja sllave, theksojnë organizatorët, duke shtuar se kjo është një arritje e dy mbretërive të para bullgare dhe e popullit bullgar, me të cilën vendi ynë mund të krenohet.
Qëllimi i krijuesve të ekspozitës është të tërheqin më shumë njerëz që të ndjekin këtë rrugë dhe të mësojnë për punën madhështore të mësuesve të parë sllavë që kontribuan në Shekullin e Artë të shtetit bullgar.
Ekspozita “Në rrugën e nxënësve” do të qëndrojë e hapur për vizitorët deri në mes të marsit.
Lexoni më shumë nga koleksioni i Radio Bullgarisë:
Dhjetë universitete evropiane do të prezantojnë programin e tyre shkencor “Bullgaria piktoreske. Rrugët letrare bullgare” në fshatin malor Huhla, ndërsa studiues nga Ankaraja dhe Varshava marrin pjesë në mënyrë speciale në edicionin e këtij viti të..
Komisioni kombëtar i ekspertëve përzgjodhi kandidatin bullgar për çmimin “Oscar” të Akademisë Amerikane të Filmit për filmin më të mirë ndërkombëtar. Filmi “Kopeja” / “TARIKA” është filmi i tretë artistik i regjisorit Millko Llazarov. Premiera..
Filmi „Dita kur ajo do të lindë“ i Emil Spahijski u përzgjodh në seleksionin zyrtar të Festivalit Ndërkombëtar të Filmit të Shkurtër në Korçë, njofton faqja zyrtare e eventit. “Pas orësh shikimi, ditësh diskutimesh dhe muajsh punë të përkushtuar,..
Dhjetë universitete evropiane do të prezantojnë programin e tyre shkencor “Bullgaria piktoreske. Rrugët letrare bullgare” në fshatin malor Huhla, ndërsa..